ជាមួយគ្នានេះ គម្រោងសាងសង់ស្ពានដែកប៉ាឡេមួយទៀត ស្ថិតលើទីតាំងដដែលនេះ នឹងត្រូវសាងសង់ក្នុងខែតុលានេះផងដែរ និងគ្រោងបញ្ចប់នៅខែមេសា ឆ្នាំ២០១៨ ។ លោក មាសភក្ដី បញ្ជាក់ថា ស្ពានដែកនេះត្រូវបានសាងសង់សម្រាប់ដាក់ឲ្យប្រើប្រាស់បណ្ដោះអាសន្ន ដើម្បីសម្រួលចរាចរណ៍ ហើយស្ពានដែកនេះ នឹងត្រូវរុះរើវិញនៅពេលស្ពានបេតុងដាក់ឲ្យដំណើរការ។
ទោះយ៉ាងណា លោក ម៉េត មាសភក្ដី មិនទាន់អាចបញ្ជាក់ពីថវិកាសម្រាប់សាងសង់ស្ពានទាំងពីរនេះបាននោះទេ ដោយលោកគ្រាន់តែបញ្ជាក់ថា ស្ពានដែកប៉ាឡេត្រូវសាងសង់ដោយថវិការបស់ក្រុមហ៊ុន OCIC ដែលអភិវឌ្ឍន៍ទីក្រុងរណបជ្រោយចង្វារ ប៉ុន្តែបើតាមការស្រង់សំដីតំណាងក្រុមហ៊ុន OCIC ស្ពានបេតុងនឹងត្រូវចំណាយថវិកា ៣៥លានដុល្លារ និងជាង ៩លានដុល្លារ សម្រាប់ស្ពានដែកប៉ាឡេ ដែលជាការចំណាយរបស់ក្រុមហ៊ុន។
ការស្ថាបនាស្ពានទាំងពីរនេះ ស្របគ្នានឹងការបើកការជួសជុលឡើងវិញ នូវស្ពានមិត្តភាពកម្ពុជា-ជប៉ុន (ស្ពានជ្រោចង្វារទី១) នៅដើមខែតុលានេះ ដែលស្ពានពីរនេះ មានចម្ងាយប្រហែល ២,៥គីឡូម៉ែត្រ ពីស្ពានជ្រោចង្វារទី១៕
