រាជធានីភ្នំពេញ ៖ ក្រុមបាល់ទាត់ជម្រើសជាតិក្រោមអាយុ ២២ឆ្នាំកម្ពុជា នឹងត្រូវប្រឈមមុខជាមួយក្រុមខ្លាំង U-22វៀតណាម សម្រាប់ប្រកួតទី២ ក្នុងពូលB នៃព្រឹត្តិការណ៍កីឡាស៊ីហ្គេម លើកទី២៩ នៅទីក្រុងកូឡាឡាំពួរ ប្រទេសម៉ាឡេស៊ី វេលាម៉ោង ៣រសៀលថ្ងៃទី១៧ សីហានេះ។
បច្ចុប្បន្នក្រុម U-22វៀតណាម បាននឹងកំពុងឈរកំពូលតារាងបណ្ដោះអាសន្ន បន្ទាប់ពីពួកគេ លត់ក្រុម U-22ទីម័រខាងកើត ដោយលទ្ធផល ៤-០ កាលពីថ្ងៃអង្គារ៍កន្លងទៅ។ សម្រាប់ការប្រកួតពូលB ថ្ងៃនេះដែរ ក្រៅពីជំនួបកម្ពុជា-វៀតណាមខាងលើ ក៏មាន ២គូផ្សេងទៀត ត្រូវជួបតតាំងគ្នាលើទីលាននាទីក្រុងកូឡាឡាំពួរ នាវេលាម៉ោង ៧៖៤៥នាទីដូចគ្នាផងដែរ គឺក្រុម U-22ឥណ្ឌូនេស៊ី ត្រូវជួបក្រុមឈរលេខរៀងទី២ ហ្វីលីពីន និងក្រុមការពារមេដាយមាសថៃ ត្រូវជួបក្រុមបាត់តារាង U-22ទីម័រខាងកើត៕
