លោក Maduro ថ្លែងកាលពីថ្ងៃច័ន្ទថា នៅតែទទូចចង់ចរចា ជាមួយមេដឹកនាំអាមេរិក បន្ទាប់ពីការគំរាមប្រើជម្រើសយោធា ចំពេលមានការតវ៉ាដោយអំពើហិង្សានៅក្នុងប្រទេស ប៉ុន្តែលោកក៏បានប្រាប់ដល់ក្រុមអ្នកគាំទ្រខ្លួន នៅទីក្រុងការ៉ាកា ឲ្យរៀបចំខ្លួនផងដែរ ដើម្បីទប់ទល់សម្រាប់ការឈ្លានពានរបស់ «ចក្រពត្តិនិយម» ។
ពាក់ព័ន្ធនឹងបញ្ហានេះដែរ អនុប្រធានប្រធានាធិបតីអាមេរិក លោក Mike Pence បានប្រាប់ទៅលោក Maduro ថា មិនចាំបាច់មានការព្រួយបារម្ភទៅលើការនិយាយរបស់លោក ត្រាំ នោះទេ ដោយបានអះអាងថា នឹងប្រើដំណោះស្រាយសន្តិភាព ដើម្បីផ្ដួលរលំរបបផ្តាច់ការ នៅក្នុងប្រទេសមួយនេះ។
ក្នុងនោះលោក Pence បានបន្ថែមថា «ប្រធានាធិបតី ត្រាំ បានបញ្ជាក់យ៉ាងច្បាស់ថា អាមេរិកនឹងមិនឈរឱបដៃមើលឲ្យប្រទេសវ៉េណេស៊ុយអេឡា ធ្លាក់ចូលទៅក្នុងរបបផ្តាច់ការទ្បើយ៕
