ពួកគេក៏បានដុតភ្លើងផងដែរក្នុងអំឡុងពេលដ៏ខ្លី នៃអំពើហឹង្សានៅក្នុងសាលសហគមន៍មួយ ដែលជាកន្លែងព្រឹត្តិការណ៍នេះធ្វើឡើង។ លោក Syed Saddiq បាននិយាយថា លោក Mahathir ដែលបានឆ្លើយសំណួរពីទស្សនិកជននៅពេលអំពើហិង្សាផ្ទុះឡើងគឺត្រូវបានគេនាំចេញពីអគារនិងមិនមានបញ្ហាអ្វីឡើយ។ លោកបានបន្ថែមថា យ៉ាងហោចណាស់មានមនុស្សពីរនាក់បានរងរបួស។
លោក Syed Saddiq ដែលជាប្រធានយុវជននៃគណបក្ស Bersatu ដែលទើបបង្កើតថ្មីរបស់លោក Mahathir បាននិយាយថា វាច្បាស់ណាស់ថា វាត្រូវបានបង្កើតឡើងដើម្បីបំបិទមាត់លោក Mahathir និងក្រុមប្រឆាំងប៉ុន្តែយើងនឹងមិនចុះខ្សោយដោយអំពើកំសាកទាំងនេះទេ។
ទោះបីជាយ៉ាងណាក៏ដោយ វាមិនច្បាស់ទេថាតើនរណាម្នាក់នៅពីក្រោយអំពើហិង្សានេះប៉ុន្តែវាបង្ហាញថា ភាពតានតឹងផ្នែកនយោបាយកំពុងតែកើនឡើងមុនការបោះឆ្នោតពាក់កណ្តាលឆ្នាំ២០១៨ហើយលោក Mahathir ត្រូវបានចាត់ទុកថាជាការគំរាមកំហែងដ៏ខ្លាំងសម្រាប់លោក Najib ។
លោក Mahathir ដែលជានាយករដ្ឋមន្ត្រីចន្លោះឆ្នាំ១៩៨១ ដល់ឆ្នាំ២០០៣ បានប្រឆាំងលោក Najib លើការចោទប្រកាន់លួចទឹកប្រាក់រាប់ពាន់លានដុល្លារ ពីមូលនិធិវិនិយោគ ១MDB របស់រដ្ឋ នៅក្នុងយុទ្ធនាការក្លែងបន្លំនិងលាងលុយកខ្វក់៕
