បង់ក្លាដេស ៖កាលពីថ្ងៃទី១៤ សីហា ប្រព័ន្ធផ្សព្វផ្សាយក្នុងតំបន់បានរាយការណ៍ថា មនុស្សយ៉ាងតិច១៣នាក់ បានស្លាប់បាត់បង់ជីវិត ខណៈដែលរាប់ពាន់នាក់ទៀតរងផលប៉ះពាល់ ដោយសារគ្រោះទឹកជំនន់ នៅភាគខាងជើង នៃប្រទេសបង់ក្លាដេស។
ភ្លៀងធ្លាក់ខ្លាំងបានបង្កឲ្យមានជំនន់ទឹកភ្លៀងនៅទូទាំងស្រុកចំនួន១០ នៅក្នុងភាគខាងជើង ប្រទេសបង់ក្លាដេស កាលពីថ្ងៃអាទិត្យ ហើយទឹកកំពុងតែហូរទៅកាន់ស្រុកជាច្រើនទៀត ដែលស្ថិតនៅភាគកណ្តាលប្រទេស ។
ទឹកជំនន់នោះបានជន់លិចផ្លូវរថភ្លើង, ភូមិ, ទីក្រុង និងផ្ទះជាច្រើន តាមមជ្ឈមណ្ឌលព្យាករទឹកជំនន់ក្នុងតំបន់ បាននិយាយថា ប្រសិនបើភ្លៀងនៅតែបន្តធ្លាក់រហូតដល់ចុងខែសីហា នោះស្រុកយ៉ាងតិចចំនួន២៥ នៅទូទាំងប្រទេស នឹងត្រូវរងផលប៉ះពាល់ដល់ត្រឹមខែកញ្ញា៕
