រាជធានីភ្នំពេញ៖ ទីភ្នាក់ងារប្រតិបត្តិការអន្តរជាតិជប៉ុន (JICA) បានចំណាយទុនប្រមាណជិត ៣០លានដុល្លារអាមេរិក សម្រាប់ការជួលជួលស្ពានមិត្តភាពកម្ពុជា-ជប៉ុន (ស្ពានជ្រោយចង្វារចាស់) ចាប់ពីពាក់កណ្ដាលខែកញ្ញាឆ្នាំនេះតទៅ ដោយចំណាយពេលអស់រយៈ ២២ខែ
គឺធ្វើឡើងបន្ទាប់ពីមានការចុះហត្ថលេខាលើកិច្ចព្រមព្រៀងមួយរវាង លោក តូច ចាន់កុសល រដ្ឋលេខាធិការក្រសួងសាធារណការ និងដឹកជញ្ជូន និង ក្រុមហ៊ុន Obayashi Corporation of Japan នៅថ្ងៃទី២៥ខែកក្កដា ម្សិលមិញនេះ នៅទីក្រុងតូក្យូ។
ស្របពេលដែលស្ពានជ្រោយចង្វារចាស់ត្រូវផ្អាកដំណើរការ ស្ពានដែកប៉ាឡេមួយនឹងត្រូវសាងសង់ និងដាក់ឲ្យប្រើប្រាស់ជំនួសស្ពានចាស់ គឺចាប់ពីចំណុចក្បែរឃ្លាំងស្តុកប្រេងសូគីម៉ិច ដែលមានចម្ងាយប្រហែល ២,៥គីឡូម៉ែត្រខាងជើងស្ពានជ្រោយចង្វារចាស់ ហើយការស្ថាបស្ពានដែកឆ្លងទន្លេសាបនេះ និងធ្វើឡើងក្នុងខែសីហា គឺស្ថិតក្រោមគម្រោងរបស់សាលារាជធានីភ្នំពេញ ដោយប្រើពេល ៦ខែ នេះបើតាមអ្នកនាំពាក្យសាលារាជធានីភ្នំពេញ លោក ម៉េត មាសភក្ដី ៕
