តាមប្រភពព័ត៌មានពីសមត្ថកិច្ចបានឲ្យដឹងថា នៅមុនពេលកើតហេតុជនរងគ្រោះ កំពុងអង្គុយនិយាយទូរស័ព្ទនៅមុខផ្ទះរបស់ខ្លួន ខណៈនោះស្រាប់តែឃើញមានជនមិនស្គាល់អត្តសញ្ញាណម្នាក់ ជិះម៉ូតូមួយគ្រឿង ម៉ាកហុងដាឌ្រីម សេ១២៥ ពណ៌ខ្មៅ មិនចាំស្លាកលេខ សំដៅមករកជនរងគ្រោះ រួចក៏បានដកកាំភ្លើងបាញ់ប្រហារទៅលើជនរងគ្រោះ ពីរគ្រាប់ ចំកំពួនដៃខាងឆ្វេង មួយគ្រាប់ និងមួយគ្រាប់ទៀត ចំកំពួនជើង ក្រោយមកជនសង្ស័យ ក៏ជិះម៉ូតូគេចខ្លួនបាត់ស្រមោលសូន្យឈឹងតែម្ដង។ ក្រោយពីកើតហេតុបានភ្លាមៗនោះ សមត្ថកិច្ចបានចុះទៅកន្លែងកើតហេតុ ដើម្បីជួយអន្តរាគមន៍ ប៉ុន្តែជនសង្ស័យបានរត់គេចខ្លួនបាត់។ បច្ចុប្បន្នជនរងគ្រោះកំពុងសម្រាកព្យាបាលនៅមន្ទីរពេទ្យព្រះកុសុមៈ៕
