ការពុលស្រាសបណ្តាលឲ្យមានអ្នកស្លាប់នោះត្រូវបានលោក សានវិជ្ជា សារ៉ាវុធ ប្រធានសាខាកាំកុងត្រូលខេត្តប្រាប់ឲ្យដឹងថា ដោយសារគេរកឃើញថាមានការលាយជាតិមេតាណុលកម្រិតខ្ពស់រហូតដល់ជាង១០ភាគ បង្កឲ្យពុលនៅពេលណាមានអ្នកទិញស្រាសនោះយកទៅផឹក។
លោក សានវិជ្ជា សារ៉ាវុធ ប្រធានសាខាកាំកុងត្រូលខេត្តប្រាប់ឲ្យដឹងទៀតថា ការចុះត្រួតពិនិត្យពីសំណាក់មន្ត្រីជំនាញទៅលើអ្នកលក់ស្រាសស្រាថ្នាំ១៦តូប នៅចំណុចខាងលើ គឺមន្ត្រីជំនាញក៏បានណែនាំឲ្យប្រជាពលរដ្ឋលក់ស្រាសស្រាថ្នាំ ត្រូវទៅទិញស្រាសកន្លែងដែលគេផលិតស្រាសឲ្យបានត្រឹមត្រូវតាមស្តង់ដារ ហើយបិទលេខទូរស័ព្ទនៅលើពីដុងឬកាទិនស្រា ដើម្បីងាយស្រួលរកម្ចាស់អ្នកលក់ស្រាបើសិនមានបញ្ហាអ្វីកើតឡើង។
ទន្ទឹមនិងការចុះត្រួតពិនិត្យតូបលក់ស្រាស មន្ត្រីជំនាញក៏បានចុះទៅត្រួតពិនិត្យតុបលក់អីវ៉ាន់មួយចំនួននៅក្នុងខេត្តប៉ៃលិន ហើយមន្ត្រីជំនាញក៏បានរកឃើញដកហូតបានទំនិញជាគ្រឿងម្ហូបអាហារហាមឃាត់ខុសច្បាប់មួយចំនួនធំ ដើម្បីយកទៅរក្សាទុកនៅសាខាកាំកុត្រូលខេត្តប៉ៃលិន រង់ចាំដុតកម្ទេចចោលនាពេលក្រោយ ៕
