លោកវរសេនីយ៍ទោ អ៊ុំ សាអាត នាយការិយាល័យនគរបាលប្រឆាំងគ្រឿងញៀនបានឲ្យដឹងថា ជនសង្ស័យទាំង ៥នាក់ និងជាមុខសញ្ញាដែលធ្លាប់ធ្វើសកម្មភាពនៅក្នុងភូមិក្នុងរយៈកាលកន្លងមកត្រូវបានឃាត់ខ្លួនកាលពីវេលាម៉ោង១:៣០នាទីរំលងអាធ្រាត្រឈានចូលថ្ងៃទី១៤ ខែធ្នូ ឆ្នាំ២០១៥ ។
លោកនាយការិយាល័យបានបន្តឲ្យដឹងទៀតថា ជនសង្ស័យទាំង៥ នាក់ដែលឃាត់ខ្លួនក្នុងកិច្ចប្រតិបត្ដិការណ៍នេះមាន ទី១-ឈ្មោះ តឹក បូណា ភេទប្រុស អាយុ២១ឆ្នាំ មុខរបរគ្មាន ទីលំនៅភូមិទ្រាំង សង្កាត់ស្លក្រាម ក្រុងសៀមរាប, ទី២-ឈ្មោះ ស៊ុន វណ្ណសាក់ ភេទប្រុស អាយុ១៧ឆ្នាំ មុខរបរសិស្ស ទីលំនៅភូមិបឹងដូនប៉ា សង្កាត់ស្លក្រាម ក្រុងសៀមរាប, ទី៣-ឈ្មោះ នី ហ៊ាង ភេទប្រុស អាយុ១៨ឆ្នាំ មុខរបរជាងឈើ ទីលំនៅភូមិត្រពាំងសេះ សង្កាត់គោកចក ក្រុងសៀមរាប, ទី៤-ឈ្មោះ រិន មន្នីសារ៉ា ហៅតឿ ភេទប្រុស អាយុ២០ឆ្នាំមុខរបរគ្មាន ទីលំនៅភូមិបឹងដូនប៉ា សង្កាត់ស្លក្រាម ក្រុងសៀមរាប និងទី៥-ឈ្មោះ សារៈ សុភ័ក្រ ភេទប្រុស អាយុ២០ឆ្នាំ មុខរបរគ្មាន ទីលំនៅភូមិបឹងដូនប៉ា សង្កាត់ស្លក្រាម ក្រុងសៀមរាប ។ សម្ភារដែលដកហូតបានរួមមាន ម្ស៉ៅមេតំហ្វេតាមីនចំនួន ២៧កញ្ចប់តូច ទម្ងន់៤ក្រាម, ដាវសាំម៉ូរ៉ៃចំនួន ២ដើម, ពូថៅចំនួន ២ដើម, ទូរស័ព្ទចំនួន ៥គ្រឿង និងម៉ូតូចំនួន ២គ្រឿង ។
បច្ចប្បន្នជនសង្ស័យទាំង ៥នាក់ត្រូវបានកម្លាំងការិយាល័យនគរបាលប្រឆាំងគ្រឿងញៀន កសាងសំណុំរឿង បញ្ជូនទៅតុលាការខេត្តនៅថ្ងៃទី១៤ ខែធ្នូ ឆ្នាំ២០១៥ ៕
