លោកវរសេនីយ៍ឯក ប៊ន សំអាត ស្នងការរងនគរបាលរាជធានីភ្នំពេញ បានឲ្យដឹងថា ដើម្បីចូលរួមកាត់បន្ថយសកម្មភាពចែកចាយ ដែលជាបញ្ហាស្មុគ្រស្មាញ និងមានគ្រោះថ្នាក់បំផុតនោះ លោកបានដឹកនាំកម្លាំងតាមបណ្តាខណ្ឌទាំង១២ ក្នុងរាជធានីភ្នំពេញ ចុះស្រាវជ្រាវចាប់ខ្លួនជនសង្ស័យជាបន្តបន្ទាប់ បាន៤០នាក់ ដោយដកហូតបានគ្រឿងញៀន ចំនួន៣០កញ្ចាប់ ទូរស័ព្ទម៉ាកណូគា ១២៨០ មួយចំនួន និងសម្ភារសម្រាប់ជក់មួយចំនួន។
លោកបានបន្តឲ្យដឹងទៀតថា ប្រជាពលរដ្ឋមានភាពសប្បាយរីករាយយ៉ាងខ្លាំង ដែលកន្លងមកនេះ កម្លាំងរបស់លោក បានចុះទៅបង្ក្រាបត្រូវចំណុចនៅតំបន់បឹងឈូក លក្ខណៈទ្រង់ទ្រាយធំជាលើកទី៣ ឃាត់ខ្លួនសុរបបានជាង១០០នាក់។ ដូច្នេះប្រជាពលរដ្ឋបានលើកឡើងថា មានភាពស្ងប់ស្ងាត់មិនសូវមានក្មេងៗពពាក់ពពួនគ្នាដូចមុនៗទៀតប៉ុន្មានឡើយ។
ក្រោយពីបញ្ចាប់ការបង្ហាញមុខជនសង្ស័យទាំងនេះ កម្លាំងសមត្ថកិច្ចនឹងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់ នៅរសៀលថ្ងៃទី១៥នេះតែម្ដង ៕
