លោក Ben Rhodes ជំនួយការសន្តិសុខជាតិអាមេរិក បាននិយាយថា លោក Obama នឹងធ្វើដំណើរទស្សនកិច្ចជាប្រវត្តិសាស្ត្រមួយ ដោយលោកចូលរួមសន្និសីទអាស៊ាន ក្នុងប្រទេសក្រីក្រនេះ ប៉ុន្តែជាប្រទេសសេដ្ឋកិច្ចកំពុងរីកចំរើន ដែលធ្លាប់ត្រូវបានទំលាក់គ្រាប់បែកយ៉ាងធ្ងន់ធ្ងរ ដោយសហរដ្ឋអាមេរិក កាលពីសម័យសង្គ្រាមវៀតណាម ។ និយាយនៅក្នុងកិច្ចប្រជុំនៃក្រុមអ្នកជំនាញការនយោបាយ លោក Rhodes បាននិយាយថា ដំណើរទស្សនកិច្ចរបស់លោកទៅកាន់ប្រទេសឡាវ កាលពីពេលថ្មីៗនេះ បានជួយផ្ដល់នូវលក្ខខណ្ឌជាច្រើន ដើម្បីទទួលបានជោគជ័យ សម្រាប់ការធ្វើជាប្រធានអាស៊ានរបស់ទីក្រុង Vientiane សម្រាប់ឆ្នាំ២០១៦ ។
ប្រធានាធិបតីអាមេរិក នឹងធ្វើដំណើរទស្សនកិច្ចទៅកាន់ប្រទេសម៉ាឡេស៊ីនៅចុងខែនេះ ដើម្បីចូលរួមកិច្ចប្រជុំកំពូលអាស៊ានប្រចាំឆ្នាំ ។ ការចូលរួមរបស់លោកក្នុងកិច្ចប្រជុំនេះ ក៏ដូចជាការខិតខំបង្កើនជំហរជាក្រុម និងបញ្ចាក់ពីគោលបំណងយ៉ាងពិតប្រាកដ របស់អាមេរិក ចំពោះតំបន់អាស៊ី និងប៉ាស៊ីហ្វិក ៕
