ប្រទេសកុម្មុយនីសជិតខាងគ្នាទាំងពីរ មានចំណងទាក់ទងផ្នែកសេដ្ឋកិច្ច និងនយោបាយ យូរមកហើយ ប៉ុន្តែភាពតានតឹងកាលពីពេលថ្មីៗនេះ បានបង្កឲ្យមានការផ្ទុះឡើង នូវជម្លោះជាច្រើនទសវត្សរ៍ លើការទាមទារប្រជុំកោះក្នុងដែនទឹកជម្លោះ ។ មុនដំណើរទស្សនកិច្ចរបស់លោក Xi ដែលជាដំណើរទស្សនកិច្ចលើកដំបូង របស់ប្រធានាធិបតីចិន ទៅកាន់ប្រទេសវៀតណាម ក្នុងរយៈពេល១០ឆ្នាំនេះ ក្រុមសកម្មជនប្រឆាំងនឹងប្រទេសចិន បានរៀបចំបាតុកម្មខ្នាតតូចមួយ ដែលជាការតវ៉ាដ៏កម្រ នៅកណ្ដាលរដ្ឋធានីប្រទេសវៀតណាម និងនៅទីក្រុង ហូជីមិញ ភាគខាងត្បូង ។
បដាដែលកាន់បង្ហាញដោយក្រុមបាតុករកាលពីថ្ងៃអង្គារ ដែលដង្ហែរទៅកណ្ដាលក្រុងហាណូយ សរសេរថា ប្រឆាំងនឹងដំណើរទស្សនកិច្ចរបស់ Xi Jinping ដោយមានការអមការពារដោយនគរបាល ប៉ុន្តែមិនមានការចាប់ខ្លួនឡើយ ។ ការដង្ហែបាតុកម្មនេះ គឺជារឿងដ៏កម្រមួយក្នុងប្រទេសផ្ដាច់ការវៀតណាម ប៉ុន្តែរបបដឹកនាំនេះបានបង្កើនការលើកលែងចំពោះការតវ៉ាកម្រិតទាប ប្រឆាំងនឹងសម្ព័ន្ធមិត្តចិនដ៏ធំរបស់ខ្លួន ។ ចំណងទំនាក់ទំនងរវាងប្រជាជាតិទាំងពីរ បានធ្លាក់ចុះដល់កម្រិតដ៏ទាបបំផុត ក្នុងរយៈពេលប៉ុន្មានទសវត្សរ៍នេះ កាលពីខែឧសភា ឆ្នាំ២០១៤ នៅពេលដែលទីក្រុងប៉េកាំងដាក់ទីតាំង ខួងអណ្ដូងប្រេង ក្នុងដែនទឹកសមុទ្រចិនភាគខាងត្បូង ដែលមានជម្លោះ ៕
