មន្ត្រីជាន់ខ្ពស់ នៃក្រសួងការពារជាតិអាមេរិកម្នាក់ បានប្រាប់ក្រុមអ្នកសារព័ត៌មាន អំពីចំណុចសំខាន់ នៃកិច្ចប្រជុំនេះថា ដោយឡែកពីការបន្ថែមលក្ខខណ្ឌចំពោះការផ្លាស់ប្ដូរពាក្យបញ្ជា ក្នុងសង្គ្រាមរបស់កងកម្លាំងរួមគ្នារបស់ពួកគេ កិច្ចពិភាក្សានេះនឹងរួមបញ្ចូលផងដែរ អំពីការការពារប្រព័ន្ធបច្ចេកវិទ្យា និងទំនាក់ទំនងត្រីភាគី រវាងសហរដ្ឋអាមេរិក កូរ៉េខាងត្បូង និងជប៉ុន ។
សហរដ្ឋអាមេរិក ដែលមានយោធាផ្ទាល់ខ្លួន ប្រហែល ២៨,៥០០នាក់ ឈរជើងក្នុងប្រទេសកូរ៉េខាងត្បូង បានឯកភាពកាលពីឆ្នាំមុន ចំពោះការពន្យាពេលនៃការបញ្ជាកងយោធារួមគ្នានេះ ដល់កូរ៉េខាងត្បូង ក្នុងករណីមានសង្គ្រាមរហូតដល់ទីក្រុងសេអ៊ូលមានសមត្ថភាពកាន់តែប្រសើរ ក្នុងការទប់ស្កាត់ប្រភេទអាវុធនុយក្លេអ៊ែរ និងការគំរាមកំហែងដោយគ្រាប់មីស៊ីលនានា របស់កូរ៉េខាងជើង ៕
