ពួកគេស្ថិតក្នុង ចំណោមជនអន្តោប្រវេសន៍ ប្រមាណ ១.៥០០នាក់ ត្រូវ បាន ជាប់ នៅជិត ទីក្រុង អ៊ីដូមេនី ព្រំដែន ភាគខាងជើងប្រទេសក្រិក បន្ទាប់ពីអឺរ៉ុបបាន សម្រេច ត្រងយកតែជនអន្តោប្រវេសន៍កំពុងគេចចេញពីជម្លោះ ក្នុងប្រទេសស៊ីរី , អាហ្វហ្គានីស្ថាន និងអ៊ីរ៉ាក់ ប៉ុណ្ណោះ ឲ្យឆ្លងចូលតំបន់ បាល់កង់ ។
អំឡុងរុញច្រានគ្នា មនុស្សមួយចំនួន បានគប់ដុំថ្ម លើ នគរបាល ខណៈអ្នក ផ្សេងទៀត លុតជង្គង់ ស្រែក ថា "ពួក យើង ចង់ទៅ ប្រទេស អាល្លឺម៉ង់ !"។ចំណែក អ្នក រត់ចូល ទៅក្នុងទឹកដី ប្រទេស ម៉ាសេដូនី ក៏ត្រូវបាន ចាប់ឃុំខ្លួន ដោយនគរបាល ភ្លាមៗដែរ។
ជនភៀសខ្លួន និង ជនអន្តោប្រវេសន៍ជាង ៨សែន នាក់ មកពី ប្រទេស តំបន់ មជ្ឈិមបូព៌ា ,អាហ្វ្រិក និងអាស៊ី បាន មកដល់ ក្នុងប្រទេស ប៉ែក អឺរ៉ុប តាម សមុទ្រ នៅឆ្នាំនេះ ។ ភាគច្រើនតាម កោះនានា របស់ប្រទេស ក្រិក ដើម្បីស្វែងរក ជីវិត គាប់ប្រសើរមួយ ក្នុង ប្រទេសប៉ែកអឺរ៉ុប សំបូរដោយ ទ្រព្យធន ដូចជា ប្រទេស អាល្លឺម៉ង់ជាដើម ៕
