ក្រោយជំនួបក្នុងវិមាន គ្រីមលីន (Kremlin ) ជាមួយលោកប្រធានាធិបតីបារាំង ហ្វ្រង់ស្វ័រហូឡង់ (Francois Hollande) លោក ពូទីន បានតម្លើងសម្លេងខ្លាំងៗ ចំពោះសកម្មភាព របស់ប្រទេសទួគី ដោយនិយាយថា លោកចាត់ទុក ការបាញ់ទម្លាក់យន្តហោះ នោះជាទង្វើក្បត់ ទៅនឹងទីក្រុង ម៉ូស្គូ ដែលកន្លងមកបាន គិតថាជាមិត្តរបស់ខ្លួន ។
មេដឹកនាំ ប្រទេសរុស្ស៊ីរូបនេះនិយាយថា ពួកលោក បានផ្ដល់ដំណឹង ដល់មិត្តរួមសមរភូមិ អាមេរិក របស់ពួកលោក រួចហើយ ពីទីតាំង ,ពេលវេលា និងតំបន់ដែលយន្តហោះ របស់ពួកលោក នឹងធ្វើការ ។ ភាគីសហរដ្ឋអាមេរិក ដែលដឹកនាំកងកម្លាំងចម្រុះនេះ រួមទាំងទួគី បានចូលរួមផង ក៏បានដឹងពី ពេលវេលា និងទីកន្លែងយន្តហោះ របស់ពួកលោកដែរ ។ ប៉ុន្តែក្រោយមកយន្តហោះ របស់ពួកលោក ត្រូវបានគេបាញ់ទម្លាក់ ។ ហេតុអ្វីបានជាពួកលោក ផ្ដល់ដំណឹងនេះទៅឲ្យសហរដ្ឋអាមេរិក ? ពួកគេមិនបាន គ្រប់គ្រង ព័ត៌មាន ថាតើ សម្ព័ន្ធមិត្តរបស់ពួកគេ កំពុងធ្វើអ្វី ឬ ពួកគេកំពុង ទម្លាយព័ត៌ មាននេះ ទៅគ្រងប់ទីកន្លែង ។
ប្រទេសរុស្ស៊ី បានបញ្ជូនប្រព័ន្ធចាប់គ្រប់មីស៊ីល ទៅកាន់ប្រទេសស៊ីរី កាលពីថ្ងៃពុធ ២៥ វិច្ឆិកា ដើម្បីការពារប្រតិបត្តិការ យន្តហោះរបស់ខ្លួននៅទីនោះ និង បានបញ្ជា កងកម្លាំង អាកាស របស់ខ្លួនបន្ត បេសកកម្ម ហោះហើរ តទៅទៀត នៅជិតដែន អាកាស របស់ប្រទេសទួគី ៕
