ឧប្បតិហេតុនេះបានកើតឡើង ចំថ្ងៃប្រជាពលរដ្ឋទួគី ទៅបោះឆ្នោត សម្រាប់ការបោះឆ្នោតមុនអាណត្តិមួយ ដែលត្រូវបានគ្របដណ្ដប់ ដោយអំពើហិង្សាច្រើនលើសលុប ថ្មីៗនេះ ក្នុងភាគខាងត្បូង ប្រទេសទួគី ។ ការផ្ទុះនេះ បណ្ដាលមកពីផ្ទុះម៉ាស៊ីនភ្លើង និងទំនងជាមិនទាក់ទងជាមួយនឹងការបោះឆ្នោតទេ ។ នេះបើតាមសារព័ត៌មានប្រចាំថ្ងៃ សាបា បានរាយការណ៍លើគេហទំព័ររបស់ខ្លួន។
មិនយូរប៉ុន្មាន អ្នកពន្លត់អគ្គិភ័យ បានទៅដល់កន្លែងកើតហេតុ ជួយមនុស្សនៅជាប់ក្នុងអាគារជាន់លើ ។ហើយអ្នករងរបួស ពីផ្សែង ត្រូវបានបញ្ជូនទៅកាន់មន្ទីរពេទ្យ ក្នុងតំបន់ ដើម្បីសង្គ្រោះបន្ទាន់។
ស្នងការនគរបាល ក្រុង នូសាយប៊ីន( Nusaybin )បានប្រើរថយន្តពន្លត់អគ្គិភ័យចំនួន ៤គ្រឿង ដើម្បីពន្លត់អណ្ដាតភ្លើង ។ រីឯដើមចមនាំឲ្យមានគ្រោះអគ្គិភ័យនេះកើតឡើង នៅកំពុងស៊ើបអង្កេតនៅឡើយ ៕
