សមត្ថកិច្ចបានឲ្យដឹងថា ជនសង្ស័យ ទាំង២នាក់ មានទី១-ឈ្មោះ អោប ឧត្តម ភេទប្រុស អាយុ២២ឆ្នាំ និងទី២-ឈ្មោះ អោម គា ភេទប្រុស អាយុ២០ឆ្នាំ អ្នកទាំងពីររស់នៅភូមិមេមត់ផ្សារ ឃុំមេមត់ ។ សមត្ថកិច្ចបានធ្វើការត្រួតពិនិត្យឃើញម្ស៉ៅក្រាមពណ៌ស សង្ស័យជាថ្នាំញៀន នៅខ្លួនឈ្មោះ អោម គា ចំនួន ៨កញ្ចប់តូច បានធ្វើការដកហូតនិងបញ្ជូនមកអធិការដ្ឋាននគរបាលស្រុកដើម្បីធ្វើការសាកសួរ ។
តាមចម្លើយរបស់ឈ្មោះ អោម គា និងដោយមានការឯកភាពរបស់លោកព្រះរាជអាជ្ញាសាលាដំបូងខេត្តត្បូងឃ្មុំ នៅថ្ងៃទី១៧ ខែវិច្ឆិកា ឆ្នាំ២០១៥ វេលាម៉ោង៨:៤០នាទី សមត្ថកិច្ចបានបន្តឆែកឆេផ្ទះ ឈ្មោះ អាវ ប្រុស ហៅ ទិន (មុខសញ្ញាចេញពីពន្ធនាគារ ករណីជួញដូរគ្រឿងញៀន) ស្នាក់នៅភូមិមេមត់ផ្សារ ឃុំមេមត់ ស្រុកមេមត់ ។
បច្ចុប្បន្ន ជនសង្ស័យទាំងបីនាក់ ត្រូវបានសមត្ថកិច្ចឃាត់ខ្លួននៅអធិការដ្ឋាននគរបាលស្រុកមេមត់ ដើម្បីកសាងសំណុំរឿង ចាត់ការតាមនីតិវិធី ៕
