តាមសាក្សីនៅកន្លែងកើតហេតុបានឲ្យដឹងថា នៅវេលាកើតហេតុខាងលើ មានម៉ូតូម៉ាកសាន់យ៉ាន់ ពណ៌បៃតង គ្មានស្លាកលេខ សណ្ដោងរ៉ឺម៉កដឹកកូនឈើ ឈប់ចាក់សាំង ក្នុងទិសដៅពីជើងទៅត្បូង ខណៈចាក់រួចរាល់បានបើកបរតិចៗទៅមុខដោយឈ្មោះ សាន់ ណារ៉ុង ភេទប្រុស អាយុ២៥ឆ្នាំ (របួសធ្ងន់) និងអ្នករួមដំណើរម្នាក់ទៀតឈ្មោះ ហួន វិន ភេទប្រុស អាយុ២៥ឆ្នាំ (របួសស្រាល) អ្នកទាំងពីររស់នៅភូមិដងគោម ឃុំកំពង់អុស ស្រុកពញាឮ ខេត្តកណ្ដាល។ ពេលកំពុងបើកបរក៏មានរថយន្តមួយគ្រឿងម៉ាក Hyundai ពណ៌ស ទ្រុងខៀវ ពាក់ស្លាកលេខ ភ្នំពេញ2A-3356 បើកបរក្នុងល្បឿនលឿន ដែលមានទិសដៅពីជើងទៅត្បូង (ស្របទិសគ្នា)ដោយឈ្មោះ អិន សុផល ភេទប្រុស អាយុ២៤ឆ្នាំ ទីលំនៅភូមិត្នោត ឃុំរកា ស្រុកពារាំង ខេត្តព្រៃវែង (របួសធ្ងន់) និងមានអ្នករួមដំណើរ២នាក់ទៀត ទី១-ឈ្មោះ អឿន ធិ ភេទប្រុស អាយុ១៩ឆ្នាំ ទីលំនៅភូមិទ្រា ឃុំកញ្ចុំ ស្រុកពារាំង ខេត្តព្រៃវែង (របួសធ្ងន់) និងទី២-ឈ្មោះ តុង សេងរី ភេទប្រុស (ហៅសាន់) អាយុ២១ឆ្នាំ ទីលំនៅភូមិព្រៃស្នៀត ស្រុកពារាំង ខេត្តព្រៃវែង (ស្លាប់នៅកន្លែងកើតហេតុ)។
ក្រោយកើតហេតុកម្លាំងផ្នែកជំនាញបានធ្វើការវាស់វែង និងបាននាំយករថយន្តរួមទាំងម៉ូតូមករក្សាទុកនៅអធិការដ្ឋានដើម្បីចាត់តាមនីតិវិធីច្បាប់។ ចំណែកជនរងគ្រោះទាំង៤នាក់ បានបញ្ជូនទៅសង្គ្រោះនៅមន្ទីរពេទ្យ រីឯសាកសពជនរងគ្រោះបានប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី ៕
