ជនសង្ស័យម្នាក់នេះឈ្មោះ ទី សីហា អាយុ២៥ឆ្នាំ មានទីលំនៅក្នុង ស្រុកស្នួល និងត្រូវបាន មន្ត្រីអនុរក្សពន្ឋនាគារខេត្ត បង្ក្រាបបានកាលពីល្ងាចពីល្ងាចថ្ងៃទី៣ ខែវិច្ឆិកា ឆ្នាំ២០១៥ ខណៈដែល ជននេះ បានយកគ្រឿងញៀនមួយកញ្ចប់លាក់ក្នុងបន្លែស៊ុប បំណងបញ្ជូនទៅឲ្យអ្នកជាប់ ទោសម្នាក់នៅក្នុងពន្ឋនាគារ ដើម្បីប្រើប្រាស់ តែត្រូវមន្ត្រីអនុរក្សឆែកឆេររកឃើញ ។
បន្ទាប់ពីមានការចាប់បង្ក្រាបបាន ជនសង្ស័យរូបនេះ រួមទាំងថ្នាំញៀន គឺត្រូវបានមន្ត្រីអនុរក្សប្រគល់មកឲ្យនគរបាលប្រឆាំងការជួញដូរគ្រឿងញៀនខេត្ត ដើម្បីចាត់ការ ។
ស្នងការរងប្រឆាំងបទល្មើសលោកវរសេនីយ៍ឯក គង់ វណ្ណារឹទ្ឋ បានបញ្ជាក់ថា បន្ទាប់ ពីមានការសាកសួរលើជនសង្ស័យរូបនេះ នៅព្រឹកថ្ងៃទី៤ ខែវិច្ឆិកា ឆ្នាំ២០១៥ នគរបាលក្រោមការ ដឹកនាំពីសំណាក់ស្ថាប័នសាលាដំបូងខេត្ត បានបន្តនីតិវិធី ចាប់ឃាត់ខ្លួនជនសង្ស័យជា បក្ខពួកជនម្នាក់នេះ បានចំនួន ពីរនាក់ផ្សេងទៀត នៅស្រុកស្នួល ។
លោកស្នងការរងបានបញ្ជាក់ថា ជាមួយនឹងការចាប់ឃាត់ខ្លួនជនសង្ស័យពីរនាក់ ដែលសុទ្ឋសឹងជាមុខសញ្ញាគ្រឿងញៀន និងធ្លាប់ជាប់ពន្ឋនាគារ ទៅតាមចម្លើយសារភាពរបស់ជនសង្ស័យឈ្មោះ ទី សីហា ក្នុងនោះនគរបាលក៏បានឆែរកឆេររកឃើញ មានថ្នាំញៀនមួយចំនួន ពីជនសង្ស័យទាំងពីរនាក់នោះ ។
លោកវរសេនីយ៍ត្រី ប៊ុត នឿន អធិការរងនគរបាលស្រុកស្នួលបានឲ្យដឹងថា ក្រោយ ពីមានការឃាត់ខ្លួនជនសង្ស័យដែលបានចាប់បង្ក្រាបទាំង បីនាក់ ដែលបានចាប់បង្ក្រាប ជាបន្តបន្ទាប់ ត្រូវបាននាំខ្លួនមកអធិការរដ្ឋាន ដើម្បីបន្តការសាកសួរ ៕
