នៅក្នុងការចុះប្រតិបត្តិការនេះដែរ ក៏មានវត្តមានលោកឧត្តមសេនីយ៍ត្រី អាត់ ខែម ស្នងការនគរបាលខេត្ត និងលោកឧត្តមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្ត អញ្ជើញពិនិត្យមើលពីសកម្មភាព នៃកិច្ចប្រតិបត្តិការរបស់កងកម្លាំងទាំង២នេះផងដែរ ។
លោកឧត្តមសេនីយ៍ត្រី អាត់ ខែម ស្នងការនគរបាលខេត្ត បានមានប្រសាសន៍ថា អនុវត្តតាមបទបញ្ជារបស់ ឯកឧត្តម នាយឧត្តមសេនីយ៍អគ្គស្នងការនគរបាលជាតិ ក៏ដូចជាក្រសួងមហាផ្ទៃ ខាងកងកម្លាំងនគរបាល គឺដើម្បីចុះត្រួតពិនិត្យលើរថយន្តដែលបំពាក់ស្លាកលេខ ន.ប ជារថយន្តមានស្លាកលេខពិតប្រាកដ ឬយ៉ាងណា មានឯកសារ និងលិខិតបទដ្ឋានត្រឹមត្រូវឬអត់ ។
លោកឧត្តមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្ត ក៏មានប្រសាសន៍បញ្ជាក់ផងដែរថា ដោយអនុវត្តតាមបទបញ្ជា របស់ ឯកឧត្តម នាយឧត្តមសេនីយ៍ សៅ សុខា មេបញ្ជាការរងកងយោធពលខេមរភូមិន្ទ ជាមេបញ្ជាការកងរាជអាវុធហត្ថលើផ្ទៃប្រទេស ក៏ដូចថ្នាក់ដឹកនាំក្រសួងការពារជាតិ ថ្ងៃនេះ កងកម្លាំងកងរាជអាវុធ បានសហការជាមួយកម្លាំងនគរបាលនាថ្ងៃនេះ គឺដើម្បីត្រួតពិនិត្យលើមធ្យោបាយយានយន្តដែលពំពាក់នូវស្លាកលេខ ខ.ម ដែលគ្មានលិត និងបទដ្ឋានត្រឹមត្រូវនោះផងដែរ។
ក្នុងកិច្ចប្រិបត្តិការនេះដែរ កងកម្លាំងនគរបាល និងកងកម្លាំងកងរាជអាវុធហត្ថ ចំពោះលទ្ធផលធ្វើការត្រួតពិនិត្យនោះ គឺត្រួតពិនិត្យលើរថយន្តពាក់ស្លាកលេខ ខ.ម បានចំនួន ២គ្រឿង, ស្លាកសញ្ញាកងរាជអាវុធហត្ថចំនួន ៧គ្រឿង, ស្លាកសញ្ញាកងទ័ពជើងគោកចំនួន ២គ្រឿង,ស្លាកសញ្ញាអគ្គស្នងការនគរបាលជាតិ ១ គ្រឿង, ស្លាកសញ្ញាក្រសួងមហាផ្ទៃ ២គ្រឿង, បកស្កុតខ្មៅចេញពីរថយន្ត ២៣គ្រឿង និងរថយន្តផ្ទុកទំនិញសំពីងសំពោងដាក់លើគូថរថយន្តឲ្យរើចុះចំនួន ៥គ្រឿងផងដែរ ៕
