កិច្ចពិភាក្សានេះ គឺជាការទំលាយភាពទាល់ច្រកផ្នែកកាទូតមួយ របស់លោក Abe ដែលបានស្វែងរកកិច្ចចរចាជាមួយលោកស្រី Park ខណៈពេលមានការជំរុញមួយដោយសហរដ្ឋអាមេរិកចំពោះប្រទេសជប៉ុន និងកូរ៉េខាងត្បូង ឲ្យបង្កើននូវទំនាក់ទំនង ដើម្បីប្រឈមមុខចំពោះប្រទេសចិន ដែលមានការទាមទារយ៉ាងខ្លាំងក្លា ។ លោក Abe បានចូលកាន់ដំណែងនៅចុងឆ្នាំ២០១២ ហើយលោកស្រី Park បានឡើងកាន់ដំណែងកាលពីឆ្នាំ២០១៣ ។
ក្រុមមន្ត្រីបាននិយាយថា មិនមានគម្រោងណាមួយរបស់មេដឹកនាំទាំងពីរ ធ្វើសន្និសីទកាសែតរួមគ្នាឡើយ ក្រោយពីកិច្ចពិភាក្សានេះ ដែលបានចាប់ផ្ដើមកាលពីម៉ោង១០ព្រឹក នៅក្នុងទីក្រុងសេអ៊ូល ។ ប្រទេសជិតខាងនឹងគ្នាក្នុងតំបន់អាស៊ីទាំងពីរ បានតស៊ូស្វែងរកនូវដំណោះស្រាយរួមគ្នាមួយ ចំពោះការដាក់អាណានិគមរបស់ប្រទេសជប៉ុនក្នុងប្រទេសកូរ៉េកាលពីឆ្នាំ១៩១០-១៩៩៤៥ ជាពិសេសវិបត្តិនៃសុខុមាលភាពស្ត្រី ដោយសារស្ត្រីជនជាកូរ៉េភាគច្រើនត្រូវបានបង្ខំឲ្យបំរើផ្លូវភេទក្នុងបនស្រីនៃសម័យសង្គ្រាមយោធាប្រទេសជប៉ុន ។ កិច្ចពិភាក្សារវាងលោកស្រី Park និងលោក Abe បានធ្វើឡើងក្រោយពីកិច្ចប្រជុំកំពូលក្នុងប្រទេសកូរ៉េខាងត្បូង រវាងមេដឹកនាំជប៉ុន និងកូរ៉េខាងត្បូងកាលពីថ្ងៃអាទិត្យ ដែលពួកគេបានឯកភាពគ្នាធ្វើកិច្ចប្រជុំកំពូលប្រចាំឆ្នាំឡើងវិញ ដើម្បីឆ្ពោះទៅរកកិច្ចសហការផ្នែកសេដ្ឋកិច្ចឲ្យបានប្រសើរបំផុត និងកិច្ចសហប្រតិបត្តិការក្នុងតំបន់ ។
លោក Abe បាននិយាយនៅក្នុងសន្និសីទសារព័ត៌មានមួយជាមួយលោកស្រី Park និងនាយករដ្ឋមន្ត្រីចិន លោក Li Keqiang ថា ប្រទេសជប៉ុន ចិន និងកូរ៉េខាងត្បូង គឺជាប្រទេសជិតខាងនឹងគ្នា ហើយដោយសារតែពួកយើងជាប្រទេសជិតខាងគ្នា មានបញ្ហាលំបាកជាច្រើនក្នុងចំណោមពួកយើង ៕
