ក្នុងកិច្ចប្រតិបត្តិការនេះ ដោយមានការបញ្ជាផ្ទាល់ពីលោក កើត សុវណ្ណារ៉េត ព្រះរាជអជ្ញារង អមសាលាដំបូងខេត្ត ដឹកនាំដោយលោក វរសេនីយ៍ត្រី ជា ហេង នាយរងការិយាល័យនគរបាលប្រឆាំងការជួញដូរមនុស្ស និងការពារអនីតិជន រួមទាំងមន្ត្រីក្រោមឱវាទជាច្រើនទៀត ។ លោកវរសេនីយ៍ត្រី ជា ហេង បានឲ្យដឹងថា កម្លាំងសមត្ថកិច្ចបានធ្វើការឃាត់ខ្លួនស្ត្រីម្នាក់ ឈ្មោះ ចេន ម៉ី ភេទស្រី អាយុ៣៥ឆ្នាំ រស់នៅភូមិតាភុល សង្កាត់ស្វាយដង្គុំ ក្រុងសៀមរាប នៅថ្ងៃទី១ ខែវិច្ឆិកា ឆ្នាំ២០១៥ នៅវេលាម៉ោង ១៤:៥០នាទី ដោយយោងទៅតាមពាក្យប្ដឹងរបស់អាណាព្យាបាលក្មេងស្រីរងគ្រោះ ក្រោយពីធ្វើការឃាត់ខ្លួនជនសង្ស័យកម្លាំងសមត្ថិបាននាំស្ត្រីដែលមានឈ្មោះដូចខាងលើមកកាន់ការិយាល័យជំនាញដើម្បីធ្វើការសាកសួរ នៅចំពោះមុខសមត្ថកិច្ចជនសង្ស័យបានឆ្លើយសារភាព ថារួបគេពិតជាបាននាំក្មេងស្រីរងគ្រោះទៅដេកជាមួយភ្ញៀវពិតប្រាកដមែន ។ស្ដ្រីជនសង្ស័យបានបន្តថា ក្មេងស្រីរងគ្រោះដេកជាមួយភ្ញៀវម្តងក្នុងតម្លៃចាប់ពី ១០០ដុល្លារ ២០០ដុល្លារ និង៣០០ដុល្លារ ដោយរូបគេគិតជាភាគរយទៅតាមតម្លៃនីមួយៗចាប់ពី ១០ដុល្លារ ដល់១០០ដល្លារ ។
លោកវរសេនីយ៍ត្រី ជា ហេង បានបន្តឲ្យដឹងទៀតថា បច្ចុប្បន្នជនសង្ស័យត្រូវបានកម្លាំងរបស់លោកកសាងសំណុំរឿងបញ្ជូនទៅសាលាដំបូងខេត្តសៀមរាបចាត់ការទៅតាមនីតិវិធីច្បាប់ នៅរសៀលថ្ងៃទី២ ខែវិច្ឆិកា ឆ្នាំ២០១៥ ៕
