អធិការនគរបាលស្រុកស្នួល បានឲ្យដឹងថា ប្តីមានឈ្មោះ អាត ស្រន់ អាយុ ២៧ឆ្នាំ និងប្រពន្ធឈ្មោះ ឆន ចាន់ធឿន អាយុ ៣២ឆ្នាំ។ អ្នកទាំពីររស់នៅម្តុំផ្សារស្នួល ភូមិក្បាលស្នួល ឃុំស្នួល ស្រុកស្នួល ខេត្តក្រចេះ។ វត្ថុតាងចាប់យកមាន ម្សៅក្រាម ពណ៌ស សង្ស័យថាជាសរធាតុញៀន ចំនួន ៣កញ្ចប់ធំ (ដាក់ក្នុងកូនជ្រូកដី)។ ក្រោយពីទទួលបានចម្លើយសារភាពពីជនសង្ស័យប្តីប្រពន្ធទាំងពីរនាក់ សមត្ថកិច្ចបានឈានទៅឆែកឆេរផ្ទះរបស់ជនសង្ស័យនៅវេលាម៉ោង១១:២០នាទី ថ្ងៃដដែល តាមបញ្ជារបស់លោក ធុច បញ្ចសន្តិភាព ព្រះរាជអាជ្ញារងអមសាលាដំបូងខេត្ត ឆែកឆេររកឃើញគ្រឿងញៀនចំនួន ៣កញ្ចប់តូចទៀត សម្ភារសម្រាប់វេចខ្ចប់ចែកចាយ និងឧបករណ៍ជក់គ្រឿងញៀនមួយចំនួនបន្ថែមទៀត។
បច្ចុប្បន្នជនសង្ស័យទាំងពីរនាក់ប្តីប្រពន្ធ រួមជាមួយវត្ថុតាងត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលស្រុកស្នួល ដើម្បីកសាងសំណុំរឿងបញ្ជូនបន្តទៅការិយាល័យប្រឆាំងគ្រឿងញៀនខេត្តចាត់ការតាមនីតិវីថីច្បាប់ ៕
