អ្នកឃើញហេតុការណ៍បានឲ្យដឹងថា នៅមុនពេលកើតហេតុ គេឃើញមានយុវជន២នាក់ បានជិះម៉ូតូ១គ្រឿង ម៉ាកស៊ុយហ្សុយគី ស្មាស់រីវ៉ូ ពណ៌ស ពាក់ស្លាកលេខភ្នំពេញ1BN0991 បើកបរក្នុងទិសដៅពីកើតទៅលិចលុះមកដល់ចំណុចកើតហេតុ ក៏ស្រាប់តែមានរថយន្ត១គ្រឿង ម៉ាកNAVARA ពាក់ស្លាកលេខ ភ្នំពេញ 2X-0203 បើកបរដោយបុរសជនជាតិកូរ៉េ ក្នុងសភាពស្រវឹងផងនោះ បានបើកចេញពីម្តុំផ្ទះល្វែងពីជើងទៅត្បូងក៏បុករះ និងកិនម៉ូតូស្មាស់នោះបណ្តាលឲ្យយុវជនទាំង២នាក់ រងរបួសបាក់ជើងខាងស្តាំដូចគ្នា ហើយក៏ជ្រុលទៅបុក និងម៉ូតូ១គ្រឿងទៀត ម៉ាក STR ពណ៌ស មិនចាំស្លាកលេខ ១គ្រឿងទៀត ដែលជិះគ្នា៣នាក់ ក្នុងនោះមានស្រីម្នាក់បន្ថែមទៀត បណ្តាលឲ្យរងរបួសធ្ងន់ស្រាលទាំង៥នាក់តែម្តង។
ក្រោយកើតហេតុ ជនរងគ្រោះត្រូវបានរថយន្តសាម៊ុយដឹកយកទៅសង្គ្រោះ នៅមន្ទីរពេទ្យ ចំណែករថយន្ត និងម៉ូតូត្រូវបាននគរបាលចរាចរណ៍ខណ្ឌសែនសុខ ប្រគល់ឲ្យទៅនគរបាលចរាចរណ៍រាជធានីភ្នំពេញ ដើម្បីដោះស្រាយនៅពេលក្រោយ ៕
