អគ្គបញ្ជាការកងទ័ពដែនអាកាសរុស្ស៊ី បាននិយាយកាលពីថ្ងៃព្រហស្បត្តិ៍ទី៥ ខែវិច្ឆិកា ថា រុស្ស៊ីបានបញ្ជូនប្រព័ន្ធការពារគ្រាប់មីស៊ីល ទៅកាន់ប្រទេសស៊ីរី ដើម្បីការពារកម្លាំងយោធារបស់ខ្លួន ។ ឧត្ដមសេនីយ៍ Viktor Bondarev បាននិយាយថា យន្តហោះចម្បាំងមួយចំនួន ប្រហែលជាត្រូវបានប្លន់យក នៅក្នុងប្រទេសជិតខាងស៊ីរី ហើយប្រើប្រាស់វាយប្រហារកងកម្លាំងរុស្ស៊ី ។
លោក Bondarev បានប្រាប់ទៅកាន់សារព័ត៌មាន Komsomolskaya Pravda ថា ពួកយើងបានគណនាពីការគំរាមកំហែង ដែលអាចកើតមាន ហើយពួកយើងមិនត្រឹមតែបញ្ជូនយន្តហោះ ចម្បាំងយន្តហោះ ទម្លាក់គ្រាប់បែក និងឧទ្ថម្ភាកចក្រប៉ុណ្ណោះទេ គឺថែមទាំងប្រព័ន្ធការពារគ្រាប់មីស៊ីលផងដែរ ។ ពួកយើងត្រូវត្រៀមខ្លួនឲ្យបានរួចរាល់ ៕
