រមណីយដ្ឋានទឹកជ្រោះប៊ូស្រា នៅតែជាគោលដៅទី១ សម្រាប់ភ្ញៀវទេសចរមកកម្សាន្ត ក្នុងខេត្តនៃភាគឥសាន្តមួយនេះ ហើយមណ្ឌលគិរី នៅមានរមណីយដ្ឋានជាច្រើនកន្លែងផ្សេងទៀត រង់ចាំទទួលភ្ញៀវទេសចរពីគ្រប់មជ្ឈដ្ឋាន ដូចជារមណីយដ្ឋានវប្បធម៌ភ្នំដោះក្រមុំ ដែលជាកន្លែងទីសក្ការបូជាដ៏សក្តិសិទ្ធ រមណីយដ្ឋានសមុទ្រឈើ រមណីយដ្ឋានទឹកជ្រោះដំណាក់ស្ដេច ទឹកជ្រោះរមនា ទឹជ្រោះជ្រៃធំ ទឹកជ្រោះក្បាលព្រះ ចំការកាហ្វេ ភ្នំណាំលៀ ជាដើម ។ល។
ប្រធានមន្ទីរទេសចរណ៍ខេត្តមណ្ឌលគិរី លោក ងិន សុវិមាន បានឲ្យដឹងថា គិតត្រឹមរយៈពេលបីថ្ងៃនៃព្រះរាជពិធីបុណ្យអ៊ុំទូក អកអំបុកនិងសពះព្រះខែនេះ មានភ្ញៀវទេសចរមកកម្សាន្តនៅខេត្តមណ្ឌលគិរីសរុបចំនួន១០.៣៨៦នាក់(១ម៉ឺន ៣រយ ៨៦នាក់) ក្នុងនោះភ្ញៀវជាតិចំនួន ១០.០៦៧នាក់(១ម៉ឺន ៦៧នាក់) ភ្ញៀវអន្តរជាតិចំនួន៣១៩នាក់ ។ ហើយតួលេខនេះបើធៀបនិងរយៈពេល ដូចគ្នាកាលពីឆ្នាំមុន ឃើញថាមានការកើនឡើង៧.៩៤% ក្នុងនោះ ភ្ញៀវជាតិកើនឡើង៧.៣០% ភ្ញៀវអន្តរជាតិកើនឡើង៣២.៩១% ។
សូមបញ្ជាក់ថា ទន្ទឹមនិងភាពសប្បាយរីករាយក្នុងព្រះរាជពិធីបុណ្យអ៊ុំទូក អកអំបុកនិងសពះព្រះខែនេះ ក្នុងខេត្តមណ្ឌលគិរី មានគ្រោះថ្នាក់កើតឡើង០២ករណី បណ្ដាលឲ្យមនុស្សម្នាក់ស្លាប់ ។ ដោយឡែកសម្រាប់សេវាសណ្ឋាគារ ផ្ទះសំណាក់ ក៏ត្រូវបានអាជី វករតម្លើងថ្លៃដែរ ហើយចំពោះការតម្លើងថ្លៃលើសេវាសណ្ឋាគារ ផ្ទះសំណា នេះ ម្ចាស់អាជីវកម្មទាំងនោះអះអាងថា ដោយសារនៅតា មបន្ទប់នីមួយៗមានភ្ញៀវសម្រាកលើចំនួនកំណត់ ដូច្នេះការប្រើប្រាស់ទឹកភ្លើងក៏ច្រើនជាង ពេលធម្មតាផងដែរ ៕
