និងថ្ងៃទី៣ត្រូវជាថ្ងៃបញ្ចប់ មានប្រជាពលរដ្ឋ ១៥ម៉ឺននាក់។ ដោយឡែកនៅតាមបណ្តាទីរួមខេត្តនានាដូចជា ខេត្តសៀមរាប មានប្រជាពលរដ្ឋ ១៥ម៉ឺននាក់, ខេត្តកំពង់ស្ពឺ មានប្រជាពលរដ្ឋ ៥ម៉ឺននាក់, ខេត្តព្រះសីហនុ កែប កំពត មួយកន្លែងមានប្រជាពលរដ្ឋប្រហែល ១ម៉ឺននាក់ និងនៅតាមរមណីយដ្ឋាននានា មានពីប្រជាពលរដ្ឋពី ៥០០ទៅ១០០០នាក់ ដោយក្តីសប្បាយរីករាយ គ្មានក្តីបារម្ភអំពីបញ្ហាសន្តិសុខ សុវត្ថិភាពឡើយ។
ចំពោះសភាពការណ៍បទល្មើសព្រហ្មទណ្ឌជារួម កើតឡើង២៤ លើ៣៤លើក ថយចុះ១០លើក ស្មើនឹង២៩ភាគរយ ក្នុងនោះ៖ បទឧក្រិដ្ឋ កើតឡើង៩ លើ៧លើក កើន២លើក ស្មើនឹង២៩ភាគរយ (ប្លន់៤ លើ២លើក ឃាតកម្ម៤ លើ២លើក និងរំលោភ១លើ ៣លើក), បទមជ្ឈឹម កើតឡើង១៥ លើ២៧លើក ថយ១២លើក ស្មើនឹង៤៤ភាគរយ (លួច១០ លើ១៦លើក ហិង្សាចេតនា ៤លើ៩លើក ហិង្សាគ្រួសារ១ លើ០លើក និងឆបោក០ លើ១លើក) បណ្តាករណីទាំងនេះ បណ្តាលឲ្យមនស្សស្លាប់ ៤នាក់ រងរបួស ១៤នាក់ និងបាត់បង់ទ្រព្យសម្បត្តិសម្ភារមួយចំនួន។ ចំពោះការបង្ក្រាបជាលទ្ធផលបង្ក្រាបជារួមបាន ១៥ករណី ស្មើនឹង៦២ភាគរយ ឃាត់ខ្លួនមនុស្ស ១៨នាក់ និងបង្ក្រាបគ្រឿងញៀនបាន ៦ករណី ឃាត់ខ្លួនមនុស្ស ២៥នាក់។
រីឯគ្រោះថ្នាក់សង្គមជារួម កើតឡើង ៧៤ លើ៩៧លើក ថយ២៤ភាគរយ ក្នុងនោះ៖ គ្រោះថ្នាក់ចរាចរណ៍ ៥៥លើ ៧២លើក ថយ១៧លើក ស្មើនឹង២៣ភាគរយ ស្លាប់ ២៥ លើ៣៤នាក់ ថយ៩នាក់ ស្មើនឹង២៦ភាគរយ រងរបួស ៧៧ លើ១៣២នាក់ ថយ៥៥លើក ស្មើនឹង៥៨ភាគរយ។ ក្នុងឆ្នាំនេះ ការធ្វើចរាចរណ៍មានភាពរលូនល្អ មិនមានភាពកកស្ទះ គ្មានការដឹកសំពីងសំពោង និងដឹកមនុស្សលើដំបូល។ នេះដោយសារតែអ្នកបើកបរកាន់តែមានការប្រុងប្រយ័ត្នខ្ពស់ ប៉ុន្តែអ្នកបើកបរទោចក្រយានយន្តនៅតែជាអ្នកបង្កគ្រោះថ្នាក់មានកម្រិតខ្ពស់ជាងយានយន្ត (៣០លើ ៥៥លើក ស្មើនឹង៥៥ភាគរយ) គ្រោះថ្នាក់ដោយសារល្បឿនមានកម្រិតខ្ពស់ជាងគេ (២៨លើ៥៥លើក ស្មើនឹង៥១ភាគរយ ៕
