ជនសង្ស័យទី១.ឈ្មោះ អ៊ូ សារិន ភេទប្រុស អាយុ៣៨ឆ្នាំ មុខរបរកម្មករសំណង់, ទី២.ឈ្មោះ សូរ បណ្ឌិត ភេទប្រុស អាយុ៣២ឆ្នាំ មុខរបរកម្មករសំណង់, ទី៣.ឈ្មោះ មុំ ចាន់រតនា ភេទប្រុស អាយុ២០ឆ្នាំ មុខរបរលក់ទឹកកក និងទី៤.ឈ្មោះ មុំ វណ្ណដា ភេទប្រុស អាយុ៣៦ឆ្នាំ មុខរបរកម្មករសំណង់។ ជនសង្ស័យទាំង៤នាក់នេះ ស្នាក់នៅភូមិភា សង្កាត់ប្រទះឡាង ខណ្ឌដង្កោ។
សមត្ថកិច្ចប្រាប់ឲ្យដឹងថា មុនពេលឃាត់ខ្លួនជនសង្ស័យទាំង៤នាក់ គឺកម្លាំងនគរបាលប៉ុស្តិ៍ប្រទះឡាង ទទួលបានសេចក្តីរាយការណ៍ពីប្រជាពលរដ្ឋល្អនៅក្នុងមូលដ្ឋាន ភ្លាមកម្លាំងនគរបាលប៉ុស្តិ៍ បានសហការជាមួយកម្លាំងនគរបាលព្រហ្មទណ្ឌខណ្ឌដង្កោ ចុះតាមដានដល់កន្លែងកើតហេតុ ប្រទះឃើញឈ្មោះ សូរ បណ្ឌិត កំពុងឈររេរាក្បែរនោះ សមត្ថកិច្ចក៏ហៅសួរនាំឆែកឆេររកឃើញ ក្រាមពណ៌សថ្លា ចំនួន ២កញ្ចប់ រហូតឈានដល់បន្តឃាត់បក្ខពួកចំនួន ៣នាក់ និងក្រាមពណ៌សថ្លា ចំនួន ១កញ្ចប់បន្ថែមទៀត នាំមកធ្វើការសាកសួរ។
សមត្ថកិច្ចប្រាប់បន្តឲ្យដឹងថា ក្រោយពីឃាត់ខ្លួនសួរនាំ ក្រុមជនសង្ស័យឆ្លើយសារភាពថា ថ្នាំញៀនទាំង ៣កញ្ចប់នេះ គឺពួកគេទិញក្នុងតម្លៃ៣៤ម៉ឺនរៀល ទុកសម្រាប់ជួញដូរ និងប្រើប្រាស់ ហើយក៏ត្រូវសមត្ថកិច្ចឆែកឆេររកឃើញវត្ថុតាង ឃាត់ខ្លួនពួកគេតែម្តង។
បច្ចុប្បន្នជនសង្ស័យ សមត្ថកិច្ចកំពុងឃាត់ខ្លួនបណ្តោះអាសន្ន នៅអធិការដ្ឋាននគរបាលខណ្ឌដង្កោ សាកសួរដើម្បីកសាងសំណុំរឿង បញ្ជូនទៅកាន់តុលាការផ្តន្ទាទោសតាមច្បប់ ៕
