លោក Najib បាននិយាយថា ពួកយើងនឹងពង្រឹងកិច្ចសហប្រតិបត្តិការរបស់ពួកយើងឲ្យបានពេញលេញជាមួយរដ្ឋាភិបាលប្រទេសហ្វីលីពីន ដើម្បីចាប់ខ្លួនក្រុមដែលទទួលខុសត្រូវយកមកទទួលទោស ។ លោក Najib ដែលកំពុងនៅក្នុងទីក្រុងម៉ានីលចូលរួមកិច្ចប្រជុំកំពូលសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) លើកទី២៣បាននិយាយថា លោកបានពិភាក្សាអំពីឧប្បត្តិហេតុនេះជាមួយប្រធានាធិបតី Benigno Aquino III រួចហើយ ។
លោកប្រធានាធិបតី Aquino បានប្រាប់ខ្ញុំថា ក្រុមដែលចាត់ពង្រត់ចំណាប់ខ្មាំងទាំងនោះអាចធ្វើសកម្មភាពបែបនេះទៅរួចដោយសារ ប្រតិបត្តិការដែលធ្វើឡើងដោយយោធាហ្វីលីពីន បានដាក់សំពាធ និងបង្ខំឲ្យពួកគេឲ្យបន្តផ្លាស់ប្ដូរទីតាំង ពីកន្លែងមួយទៅកន្លែងមួយឥតឈប់ឈរ ។ លោក Najib បានប្រាប់ថា លោក Aquino បាននិយាយថា វត្តមានរបស់ប្រទេសម៉ាឡេស៊ី ក៏ហាក់បីដូចជាឧបសគ្គមួយរបស់ពួកគេដែរ ប៉ុន្តែការលើកឡើងនេះ គឺមិនអាចទទួលយកបានឡើយ ហើយជនរងគ្រោះនេះគួរតែត្រូវបានដោះលែង ។ លោកនាយករដ្ឋមន្ត្រី ក៏បានបង្ហាញពីទុក្ខព្រួយ និងការរំលែកទុក្ខយ៉ាងជ្រាលជ្រៅ ចំពោះគ្រួសារ នៃជនរងគ្រោះ ៕
