មន្ត្រីរូបនេះ ដែលមិនបានផ្ដល់សិទ្ធិក្នុងការនិយាយជាសាធារណៈអំពីផែនការប្រតិបត្តិការរបស់កងទ័ពជើងទឹកអាមេរិក បាននិយាយថា ពួកយើងនឹងធ្វើប្រតិបត្តិការល្បាតចំនួន២ដងក្នុងមួយត្រីមាស ឬក៏តិចជាងនេះ ។ នេះគឺជាចំនួនសមស្របនៃប្រតិបត្តិការយ៉ាងទៀងទាត់ ប៉ុន្តែមិនមែនជាការរំខានឥតឈប់ឈនោះទេ។ ប្រតិបត្តិការទៀងទាត់នេះឆ្លើយតបទៅនឹងគោលបំណងប្រើប្រាស់សិទ្ធិរបស់ពួកយើងឲ្យតាមច្បាប់អន្តរជាតិ ហើយជាការរំលឹកដល់ប្រទេសចិន និងប្រទេសផ្សេងទៀតអំពីទស្សនៈរបស់ពួកយើង ។
លោកឧត្ដមនាវីឯកអាមេរិក John Aquilino អនុប្រធាននៃប្រតិបត្តិការកងទ័ពជើងទឹក សម្រាប់ការធ្វើប្រតិបត្តិការ ផែនការ និងយុត្តិសាស្ត្រ បានបដិសេធ ផ្ដល់យោបល់ អំពីពេលវេលាដែលប្រតិបត្តិល្បាតបន្ទាប់នឹងចាប់ផ្ដើម ។ លោកបានប្រាប់ Reuters ក្រោយពីលោកបានធ្វើការកត់សម្គាល់ក្នុងកិច្ចប្រជុំថា ពួកយើងធ្វើប្រតិបត្តិការបែបនេះរៀងរាល់ពេលជុំវិញពិភពលោក ហើយប្រតិបត្តិការនេះ ពួកយើងនៅតែបន្ត ។ រដ្ឋមន្ត្រីក្រសួងការពារជាតិអាមេរិក លោក Ash Carter នឹងធ្វើទស្សនកិច្ចចំពោះនាវាកងទ័ពជើងទឹកអាមេរិកមួយគ្រឿង អំឡុងពេលដំណើរទស្សនកិច្ចរបស់លោកក្នុងតំបន់អាស៊ីនាពេលខាងមុខ ប៉ុន្តែមិនរំពឹងថា នឹងនៅលើនាវានោះឡើយ អំឡុងពេលណាមួយនៃប្រតិបត្តិការសេរីភាពនាវាចរណ៍ ៕
