ឧត្ដមសេនីយ៍ត្រី Alan Arrojado មេបញ្ជាការនៃក្រុមការងារចម្រុះ Sulu បានប្រាប់ទៅសារព័ត៌មានថា ឈ្មោះ Then ត្រូវបានកាត់ក្បាល ។ បណ្ដាញសារព័ត៌មានម៉ាឡេស៊ី The Star ក៏បាននិយាយផងដែរថា ជនរងគ្រោះឈ្មោះ Then បានស្លាប់ដោយកណ្ដាប់ដៃរបស់ក្រុមឧទ្ទាម ។
ប្រភពពីកងទ័ព និងក្រុមអ្នកធ្វើការងារសង្គម ក្នុងប្រទេសហ្វីលីពីនបានបញ្ជាក់ថា វិស្វករផ្នែកអគ្គិសនីម្នាក់អាយុ៣៩ឆ្នាំ ត្រូវបានសម្លាប់ដោយក្រុមប្រដាប់អាវុធ Abu Sayyaf ដែលកំពុងត្រូវតាមចាប់ខ្លួនដោយយោធាហ្វីលីពីននៅតំបន់ Butaran Hill ជុំវិញភូមិ Indanan លើកោះ Jolo ។ ក្រសួងការបរទេសម៉ាឡេស៊ី កំពុងព្យាយាមបញ្ជាក់ឲ្យបានច្បាស់ ពីរបាយការណ៍នេះ ៕
