សមត្ថកិច្ចទប់ស្កាត់ពលករខាងលើ ធ្វើឡើងនៅរយៈពេល៥ថ្ងៃជាបន្តបន្ទាប់ ស្ថិតក្នុងភូមិសាស្ត្រស្រុកម៉ាឡៃ ហើយថ្ងៃចុងក្រោយថ្ងៃទី២៨ ខែតុលា ឆ្នាំ២០១៥ ទប់ស្កាត់បានចំនួន២២នាក់ ខណៈដែលពលករខាងលើកំពុងតែជិះរថយន្ត តាមផ្លូវ បម្រុងឆ្លងកាត់ស្រុកម៉ាឡៃ ឆ្ពោះទៅស្រុកសំពៅលូន ខេត្តបាត់ដំបង។
ការទប់ស្កាត់ពលករខ្មែរ បម្រុងចាកចេញឆ្លងដែនខុសច្បាប់ ពីសំណាក់សមត្ថកិច្ចខេត្តបន្ទាយមានជ័យ គ្រាដែលគេមើលឃើញថា ក្រោយពីថ្ងៃបុណ្យភ្ជុំបិណ្ឌ ត្រូវបានបញ្ចប់ គឺមានពលករខ្មែរជាច្រើននាក់កំពុងតែធ្វើដំណើរមកពីបណ្តាខេត្តនានា នៅក្នុងប្រទេសកម្ពុជា ឆ្លងកាត់ខេត្តបន្ទាយមានជ័យ ដើម្បីសម្រុកចាកចេញពីប្រទេសកម្ពុជា ទៅធ្វើការងារនៅក្នុងប្រទេសថៃវិញនោះ។
ការឆ្លងដែនរបស់ពលករខ្មែរ តាមច្រករបៀងខុសច្បាប់ ត្រូវគេនិយាយថា ពលករទាំងនោះ អាចនិងប្រឈមនិងបញ្ហា គ្រោះថ្នា្កក់ដល់អាយុជីវិតដោយប្រការផ្សេងៗដូចជាត្រូវទាហាថៃបាញ់សម្លាប់ និងចាប់ដាក់គុកធ្វើ ទារុណកម្ម ចាញ់បោកមេខ្យល់កេងកម្លាំងពលកម្ម និងការជួញដូរមនុស្សទៅប្រទេសទី៣ និងជិះរថយន្តរត់គេចពីតម្រួតថៃជួបគ្រោះថ្នាក់ចរាចរណ៍បង្កគ្រោះថ្នាក់ដល់អាជីវិតជាដើមនោះ។បញ្ហាប្រឈមទាំងនេះ កន្លងមកមានសេចក្តីរាយការណ៍ឲ្យដឹងថា ពលករខ្មែរទៅរកការងារធ្វើនៅប្រទេសថៃខុសច្បាប់ ក៏ធ្លាប់បានរងគ្រោះកើតឡើង ទៅលើពលករខ្មែរមួយចំនួន ជាបន្តបន្ទាប់រួចមកហើយផងដែរ។
ពាក់ព័ន្ធទប់ស្កាត់ពលករខ្មែរខាងលើ លោកវរសេនីយ៍ត្រី ឡាយ គឹមលួន នាយ ការិយាល័យនគរបាលប្រឆាំងការជួញដូរមនុស្ស និងការពារអនីតិជនខេត្ត ប្រាប់ឲ្យដឹងថា អនុវត្តតាមបទបញ្ជារបស់លោកឧត្តមសេនីយ៍ត្រី អាត់ ខែម ស្នងការនគរបាលខេត្ត បានដាក់ចេញផែនការដល់កម្លាំងការិយាល័យជំនាញ ត្រូវសហការនិងកម្លាំងនគរបាលតាមព្រំដែន ក្នុងខេត្តបន្ទាយមានជ័យ ហើយមានវិធានការទប់ស្កាត់ពលករខ្មែរឆ្លងដែនខុសច្បាប់ឲ្យមានប្រសិទ្ធភាព ដើម្បីការពារអាយុជីវិត និងបញ្ចៀសបញ្ហាប្រឈមដែលកើតឡើង ចំពោះពលករខ្មែរដោយប្រការផ្សេងៗ។ ពលករខ្មែរប្រុសស្រីទាំង៧៣នាក់ខាងលើ ត្រូវបានកម្លាំងនគរបាលធ្វើការអប់រំ ណែនាំឲ្យពួកគាត់ វិលទៅរកការចូលទៅរកកាងារស្របច្បាប់វិញ ដើម្បីធានាសុវត្ថិភាព បន្ទាប់ពីសមត្ថកិច្ចឲ្យធ្វើកិច្ចសន្យា និងអប់រំឲ្យពួកគាត់បញ្ឆប់ការឆ្លងដែនខុសច្បាប់រួចហើយ ក៏បានដោះលែងឲ្យពលករ ទាំងនោះវិលត្រឡប់ទៅស្រុកវិញ៕
