កណ្ដាល ៖ ក្នុងកិច្ចប្រត្តិបត្តិការបង្ក្រាបការជួញដូរ ចែកចាយ រក្សាទុក និងប្រើប្រាស់គ្រឿងញៀន តាមបណ្តាស្រុក-ក្រុង គិតចាប់តាំងពីថ្ងៃទី២៨ ខែកញ្ញា ឆ្នាំ២០១៥ ដល់ថ្ងៃទី២០ ខែតុលា ឆ្នាំ២០១៥ មានរយៈពេល២២ថ្ងៃ កម្លាំងនគរបាល នៃស្នងការដ្ឋាននគរបាលខេត្តកណ្ដាល បានចុះល្បាតធ្វើការស្រាវជ្រាវ ពួនស្ទាក់ និងចាប់ខ្លួនមុខសញ្ញាជួញដូរ ចែកចាយ រក្សាទុក និងប្រើប្រាស់គ្រឿងញៀន ជាបន្តបន្ទាប់បានចំនួន១៩ករណី ចាប់ឃាត់ខ្លួនមនុស្សចំនួន ៣៨នាក់ (ស្រី១នាក់) ក្នុងនោះជនជាតិវៀតណាម ២នាក់ ចាប់តាមដីការបស់សាលាដំបូង ៤ករណី ជនជាតិខ្មែ-ឥស្លាម ១នាក់ អប់រំកិច្ចធ្វើសន្យា ៤ករណី មនុស្ស ៦នាក់ និងរត់គេច ៤ករណី មនុស្ស៧នាក់។
សមត្ថកិច្ចនគរបាល បានបញ្ជាក់ន្ថែមថា ក្នុងកិច្ចប្រតិបត្តិការនេះ កម្លាំងបានចាប់យកវត្ថុតាងរួមមាន ថ្នាំញៀនម៉ាទឹកកកចំនួន ៧៦កញ្ចប់ ស្មើនឹង ១៥,២១ក្រាម រថយន្ត ១គ្រឿង ម៉ូតូ ១០គ្រឿង, ទូរស័ព្ទ ១៨គ្រឿង, កង់ ៣គ្រឿង, កាំភ្លើងស្នប់ ១ដើម, ដែកកេស១៣, កញ្ចប់បារី១, កាំបិតចុងស្រួច២, ស្បែកជើងសម្រាប់លាក់ថ្នាំញៀនចំនួន ៤គូរ និងសម្ភារៈសម្រាប់វេចខ្ចប់ចែកចាយ និងប្រើប្រាស់មួយចំនួនទៀត ៕
