ប្រទេសថៃកំពុងខិតខំប្រឹងប្រែងបោសសំអាតឧស្សាហកម្មនេសាទក្រោយពីសហគមន៍អឺរ៉ុបបានព្រមានថា ខ្លួននឹងដាក់បំរាមចំពោះម្ហូបសមុទ្ររបស់ថៃប្រសិនបើប្រទេសថៃមិនធ្វើសកម្មភាពណាមួយក្នុងរយះពេល៦ខែ ។
មន្ត្រីថៃបាននិយាយថា រដ្ឋាភិបាលកំពុងធ្វើការដើម្បីដោះស្រាយបញ្ហានេះតាំងពីខែតុលាឆ្នាំមុនមកម្លេះ ហើយកិច្ចការនេះសម្រេចពាក់កណ្ដាលហើយ ។ ប្រទេសថៃជាប្រទេសទីបី ដែលនាំត្រីចេញច្រើនជាងគេ ហើយឧស្សាហកម្មនេះរកចំណូលបានប្រហែល៨ពាន់លានដុល្លារ ៕
