រាជធានីភ្នំពេញ៖ នាថ្ងៃទី២៧ ខែកុម្ភៈ
ឆ្នាំ២០១៥ វេលាម៉ោង ១៤និង០០នាទី ស្ថិតនៅផ្ទះលេខ75A ផ្លូវប៉េតុង ក្រុមទី២ ភូមិថ្មី
សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ
មានករណីចុះចាប់កន្លែងចំលងឌីសក្លែងក្លាយ ដឹកនាំដោយ លោក មាស
ច័ន្ទពិសិដ្ឋ តំណាងអយ្យការ ជំនួយដោយលោក អនុសេនីយឯក ម៉ម ណារ៉ា
ជាមន្ត្រី, លោកអនុសេនីយឯក ទូច សុជាតិ នាយរងផ្នែក, លោកអនុសេនីយឯក ហេង
វ៉ាន់ថា មន្ត្រីបុស្តិ៍នគរបាលរដ្ឋបាលស្ទឹងមានជ័យ និងអ្នកស្រី សៅ ភី
ប្រធានភូមិថ្មី ក្នុងករណីចុះឆែកឆេរនេះ កម្លាំងចម្រុះរឹបអូសបាន
ម៉ាស៊ីនចំលងឌីសចំនួន ២៨គ្រឿង, កុំព្យុទ័រ ០២គ្រឿង, ម៉ាស៊ីនព្រីន
០៣គ្រឿង និងឌីសជាច្រើន ។
សមត្ថកិច្ចនគរបាល បានឲ្យដឹងថា ទីតាំងចំលងឌីសក្លែងក្លាយនេះ
មានម្ចាស់ ឈ្មោះ ខុម គឹមសៀង ភេទស្រី ជនជាតិខ្មែរ
មានទីលំនៅស្រុកស្រីសន្ធរ ខេត្តកំពង់ចាម ។
បច្ចុប្បន្នសមត្ថកិច្ចនគរបាល កសាងសំណុំរឿង ដើម្បីចាត់ការទៅតាមនីតិវិធីច្បាប់ ៕
