លោកស្រី Michelle Obama គ្រោងនឹងចូលរួម ក្នុងសន្និសីទទីក្រុងតូក្យូ ដែលចូលរួមដោយ ឯកអគ្គសហរដ្ឋអាមេរិក ប្រចាំប្រទេសជប៉ុន លោក ខារ៉ូលីន គីនីឌី ហើយលោកស្រីនឹងទៅធ្វើទស្សនកិច្ចនៅទីក្រុងក្យូតូ ដែលជារដ្ឋធានីបុរាណរបស់ជប៉ុន ។
សម្រាប់ប្រធានាធិបតីអាមេរិក ក៏បានធ្វើដំណើរទស្សនកិច្ច នៅប្រទេសជប៉ុនដែរ កាលពីខែមេសា កន្លងទៅ ប៉ុន្ដែលោកស្រី មិនបានអញ្ជើញមកជាមួយនោះទេ ដោយសារតែជាប់ធ្វើកាតព្វកិច្ច ក្នុងគ្រួសារ ។ តែយ៉ាងណាក៏ដោយ ការធ្វើដំណើរទស្សនកិច្ចរបស់លោកស្រី Michelle Obama នឹងអមមកជាមួយនូវកូនស្រីរបស់លោកស្រីផងដែរ ។ ទន្ទឹមនឹងនោះលោកស្រី Michelle Obama នឹងជួបសម្ដែងការគួរសម ជាមួយភរិយានាយករដ្ឋមន្ដ្រីជប៉ុន លោក ស៊ិន ហ្សូ អាបេ គឺលោកស្រី អាកៀ អាបេ ដោយនឹងមិននិយាយពីកិច្ចការនយោបាយទ្បើយ ៕
