ខេត្តបាត់ដំបង៖ នៅព្រឹកថ្ងៃទី១៦ ខែកុម្ភៈ ឆ្នាំ២០១៥ មានគូរស្នេហ៍វ័យក្មេងមួយគូរ ដែលទើបចាប់បដិសន្ធិឡើង បានជាងមួយសប្ដាហ៍ប៉ុណ្ណោះ ស្រាប់តែភាគីខាងប្រុស ធ្លាក់ខ្លួនចូលក្នុងសំណាញ់ច្បាប់ ក្លាយជាអ្នកទោសស្នេហា ដោយសារតែភ្លើងស្នេហ៍ពុះកញ្ជ្រោល ដល់កំរិតទ្រាំមិនបាន ភាគីខាងប្រុសបបូលនាង ដែលទើបមានអាយុ១៣ឆ្នាំ ឡើងឋានសួគ៌ ក្នុងរាត្រីថ្ងៃValentine’s day ។
សមត្ថកិច្ចនគរបាល បានឲ្យដឹងថា ហេតុការណ៍នេះ បានកើតឡើង កាលពីវេលាម៉ោងជាង ១៨និង០០នាទី ថ្ងៃទី១៤ ខែកុម្ភៈ ឆ្នាំ២០១៤ នៅផ្ទះខាងប្រុស ដែលស្ថិតក្នុងភូមិស្វាយធំ ឃុំអូរដំបង២ ស្រុកសង្កែ ខេត្តបាត់ដំបង ។ ជនសង្ស័យដែលរងការចោទប្រកាន់ឈ្មោះ ថា ស៊ីថាន ហៅង៉ា អាយុ២១ឆ្នាំ រីឯខាងស្រីអាយុ១៣ឆ្នាំ នៅភូមិបេង ឃុំអន្លងវិល ស្រុកសង្កែ ខេត្តបាត់ដំបង ។
ប្រភពព័ត៌មានដដែល បានបញ្ជាក់ថា ជនសង្ស័យត្រូវបានឃាត់ខ្លួននាប៉ុន្មានម៉ោងក្រោយ ពីម្ដាយខាងស្រីដាក់ពាក្យបណ្ដឹងចោទប្រកាន់ថា បានលូងលោមកូនស្រីគាត់ ដែលនៅក្មេងខ្ចីយកទៅបង្ខំរួមភេទ ។ ប៉ុន្តែតាមចម្លើយរបស់សាមីខ្លួនទាំង២នាក់ គឺពួកគេបានព្រមព្រៀងគ្នា សាករសជាតិស្នេហ៍គ្រាដំបូងនេះ ក្នុងថ្ងៃValentine’s day ដែលជាថ្ងៃទិវានៃក្ដីស្រលាញ់ ឬហៅម្យ៉ាងទៀតថា ថ្ងៃបុណ្យសង្សារ ។
យុវជនឈ្មោះថា ស៊ីថាន ហៅង៉ា និងក្មេងស្រីវ័យ១៣ឆ្នាំបានផ្ដល់ចម្លើយដូចៗគ្នាប្រាប់សមត្ថកិច្ច ថា ពួកគេបានចាប់ផ្ដើមទំនាក់ទំនងស្នេហាជាមួយគ្នា កាលពីថ្ងៃទី២ កុម្ភៈ ដែលបានស្គាល់គ្នាលើកដំបូង នៅក្នុងពិធីមង្គលការមួយនៅក្នុងភូមិ ។ យុវជនស៊ីថាន បាននិយាយអំពីរឿងនេះថា ខ្លួនបានជួបនាងនៅគ្រា ដែលខ្លួនទៅរៀបចំឆាកប្រគំតន្ត្រី ក្នុងពិធីមង្គលការមួយ នៅក្នុងភូមិរបស់នាង ហើយក៏ជំពាក់វាក់វិនស្នេហាជាមួយនាងតែម្ដង ។
ចាប់ពីពេលនោះមកខ្លួន និងនាងតែងទូរស័ព្ទសារសងគ្នាមិនថា យប់ ឬថ្ងៃនោះទេ តែភាគច្រើន គឺនាងជាអ្នកទូរស័ព្ទមករកខ្លួន ។ យុវជនស៊ីថាន ហៅង៉ា បានបំភ្លឺថា នៅថ្ងៃទី១៤ កុម្ភៈ នាងរងគ្រោះបានទូរស័ព្ទហៅឲ្យខ្លួនទៅឌុបនាងមកលេងផ្ទះ (ផ្ទះ ជនសង្ស័យ) ហើយខ្លួនក៏ខ្ចីម៉ូតូមិត្ត ជិះទៅឌុបនាងមកលេងផ្ទះភ្លាមៗដែរ ។ ស៊ីថាន បានបញ្ជាក់ថា គ្រានោះម្ដាយឪពុកខ្លួនមិននៅផ្ទះទេ តែមានក្មេងៗប៉ុន្មាននាក់ដែលលេងនៅក្បែរផ្ទះខ្លួន ខណៈខ្លួនក៏អង្គុយជជែកលេងជាមួយនាងនៅក្រោមផ្ទះដែរ ។
លុះនៅវេលាម៉ោងប្រហែល៦ល្ងាច ខ្លួនក៏ដើរទៅដេកលើគ្រែក្រោមផ្ទះ ហើយភ្លាមនោះនាងក៏ចូលតាមដែរ ។ ដោយភ្លើងស្នេហ៍ពុះកញ្ជ្រោលដល់កំរិត ខ្លួនក៏បានចាប់អោបថើបនាង រហូតឈានដល់ការព្រមព្រៀងរួមមេត្រីជាមួយគ្នា ចំនួន២លើក ក្នុងរយៈពេលតែកន្លះម៉ោង នៅលើគ្រែក្រោមផ្ទះ ដែលបិទបាំងដោយស្បៃវាំងនន ។ យុវជន ថា ស៊ីថាន បញ្ជាក់ថា ក្រោយពីរសជាតិស្នេហ៍គ្រាដំបូង របស់ខ្លួន និងនាងបានបញ្ចប់ទៅយ៉ាងតក់ក្រហល់ ស្រាប់តែនៅម៉ោង៧យប់ថ្ងៃដដែល សមត្ថកិច្ចបានជិះម៉ូតូមកដល់ផ្ទះខ្លួនល្មម ហើយបាននាំខ្លួនទៅកាន់ប៉ុស្ដិ៍សួរនាំអំពីរឿងនេះ និងឃាត់ខ្លួនតែម្ដង ។
សមត្ថកិច្ចស្រុកសង្កែបាននិយាយថា បើតាមស្ដាប់ចម្លើយបំភ្លឺរបស់សាមីខ្លួនទាំង២នាក់ គឺពួកគេមិនបានផ្ដល់ចម្លើយចោទប្រកាន់ភាគីណាមួយថា ជាអ្នកបង្ខិតបង្ខំដើម្បីរួមភេទនោះទេ ។ ពួកគេហាក់បានព្រមព្រៀងគ្នាក្នុងរឿងស្នេហាភ្លើតភ្លើននេះ ។ ប៉ុន្តែដោយសារតែភាគីខាងស្រីទើបមានអាយុ១៣ឆ្នាំ ទើបលោកស្នងការខេត្ត និងតំណាងអយ្យការអមសាលាដំបូងខេត្តបញ្ជាឲ្យឃាត់ខ្លួនយុវជនថា ស៊ីថាន ហៅង៉ា ដើម្បីកសាងសំណុំរឿងបញ្ជូនទៅតុលាការ ក្រោមការចោទប្រកាន់ពីបទ រួមភេទជាមួយអនីតិជនក្រោមអាយុ១៥ឆ្នាំ ។ នេះជាលទ្ធផល ក្នុងថ្ងៃទិវាបុណ្យនៃសេក្ដីស្រលាញ់ ឬថ្ងៃបុណ្យសង្សារ ៕
