រាជធានីភ្នំពេញ៖
រដ្ឋមន្រ្តីក្រសួងមហាផ្ទៃកម្ពុជា នៅព្រឹកថ្ងៃទី២៣ កុម្ភៈ ឆ្នាំ២០១៥នេះ
បានធ្វើការអំពាវនាវឲ្យ មន្រ្តីទទួលបន្ទុកធ្វើ
អត្តសញ្ញាណប័ណ្ណសញ្ជាតិខ្មែររបស់ក្រសួងមហាផ្ទៃ
ត្រូវធ្វើយ៉ាងបង្កើនការធ្វើអត្តសញ្ញាណប័ណ្ណជូនប្រជាពលរដ្ឋ ដើម្បីប្រើប្រាស់
ឯកសារ សម្រាប់ បោះឆ្នោត
និងសម្រាប់បម្រើដល់ជីវភាពរស់នៅប្រចាំថ្ងៃរបស់ពួកគាត់ ។
ឯកឧត្តម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ
បានមានប្រសាសន៍ ក្នុងពិធីបើកសន្និបាតបូកសរុបការងារឆ្នាំ២០១៤
និងលើកទិសដៅការងារ ឆ្នាំ២០១៥ របស់ក្រសួងមហាផ្ទៃថា អគ្គនាយកអត្តសញ្ញាណកម្ម
ត្រូវរកបញ្ហាប្រឈម ដែលរារាំងដល់សកម្មភាព
ធ្វើអត្តសញ្ញាណប័ណ្ណនេះ ហើយព្យាយាមដោះស្រាយបញ្ហានេះ ដើម្បីឲ្យការធ្វើអត្តសញ្ញាណប័ណ្ណ ប្រើប្រាស់ពេលវេលា
កាន់តែខ្លី ។
ឯកឧត្តម ឧបនាយករដ្ឋមន្រ្តី បញ្ជាក់ថា
ការធ្វើអត្តសញ្ញាណប័ណ្ណនេះ គឺមិនមែនពឹងផ្អែក លើតែអគ្គនាយកដ្ឋាន
អត្តសញ្ញាណកម្ម តែមួយ នោះទេ
គឺត្រូវធ្វើការសហការគ្នា ជាមួយមន្រ្តីអាជ្ញាធរថ្នាក់ក្រោមជាតិ
ទាំងមន្រ្តីស៊ីវិល និងមន្រ្តីនគរបាល ។
គួររំលឹកថា ក្រសួងមហាផ្ទៃកម្ពុជា កាលពីថ្ងៃទី ១៧ ខែកុម្ភៈ ឆ្នាំ២០១៥
បានចេញសេចក្តីអំពាវនាវមួយឲ្យ ប្រជាពលរដ្ឋខ្មែរ
នៅទូទាំងប្រទេស ដែលមានអាយុចាប់ពី១៥ឆ្នាំឡើងទៅ ដែលមិនទាន់មានអត្តសញ្ញាណប័ណ្ណ សញ្ជាតិខ្មែរ
ឬប្រជាពលរដ្ឋ ដែលមាន អត្តសញ្ញាណប័ណ្ណ ហើយប៉ុន្តែបានបាត់ ឬខូច
សូមទៅបំពេញបែបបទសុំផ្តល់អត្តសញ្ញាណប័ណ្ណសញ្ជាតិខ្មែរថ្មីនៅតាម មូលដ្ឋានដែល
ខ្លួនរស់នៅ។
ឯកឧត្តមឧបនាយករដ្ឋមន្រ្តី ស ខេង បន្តថា
ប្រសិនបើគ្មានអ្វីប្រែប្រួលទេនោះ ច្បាប់បោះឆ្នោតថ្មី ដែលគ្រោងនឹងដាក់ឲ្យ
សភាបោះឆ្នោតអនុម័តនៅពេលខាងមុខនេះ នឹងតម្រូវឲ្យប្រជាពលរដ្ឋ យកអត្តសញ្ញាណប័ណ្ណ
ទៅចុះឈ្មោះបោះឆ្នោត និងបោះឆ្នោត
ដែលកិច្ចការនេះ តម្រូវឲ្យយើងត្រូវពន្លឿនធ្វើយ៉ាងណា
ធ្វើអត្តសញ្ញាណប័ណ្ណជូនប្រជាពលរដ្ឋឲ្យគ្រប់ចំនួន។
គួរបញ្ជាក់ថា ក្នុងពេលបច្ចុប្បន្ននេះ
ការងារការផ្តល់អត្តសញ្ញាណប័ណ្ណសញ្ជាតិខ្មែរគំរូថ្មី ប្រមូល ទិន្នន័យ
និងបោះពុម្ភរួចមានចំនួនជិត៣លាន៥សែននាក់ ប្រគល់ជូនរាជធានីខេត្ត
ជាង ៣លាន២សែននាក់ លើផែនការ ជាង៧លាននាក់ ៕
http://police.gov.kh/news/leading-activity-7/2015-02-23-12-13-32-11455
