សមត្ថកិច្ចនគរបាល បានឲ្យដឹងថា ជនរងគ្រោះមានឈ្មោះ KUROPATWOVA EDITA ភេទស្រី អាយុ២៥ឆ្នាំ ជនជាតិ ឆេក (CZECH) រស់នៅប្រទេសឆេក ស្នាក់នៅផ្ទះសំណាក់ ហូមលែន (ភ្នំពេញ) រីឯជនល្មើសមានគ្នា ០២នាក់ ទី១. ឈ្មោះ ជា សុខហេង ភេទប្រុស អាយុ១៨ឆ្នាំ ជនជាតិខ្មែរ មុខរបរ កម្មករលាបថ្នាំ នៅភូមិព្រែកតាកូវ ឃុំព្រែកតាកូវ ស្រុកខ្សាច់កណ្តាល ខេត្តកណ្តាល និងទី២. ឈ្មោះ ហួរ សេងលី ភេទប្រុស អាយុ១៧ឆ្នាំ ជនជាតិខ្មែរ មុខរបរ សិស្ស រស់នៅ ភូមិ ឃុំ ជាមួយគ្នា ។ ហើយវត្ថុតាងដកហូតបានមាន ទូរសព្ទ័ ០១គ្រឿង (របស់ជនរងគ្រោះ), ម៉ូតូ ០១គ្រឿង ម៉ាកវ៉េវអ៊ី ពណ៌ខ្មៅ ពាក់ផ្លាកលេខ ភ្នំពេញ 1K.0494 (របស់ជនល្មើសជិះធ្វើសកម្មភាព) ។
ប្រភពព័ត៌មានដដែល បានឲ្យដឹងថា នៅថ្ងៃទី១៧ ខែកុម្ភៈ ឆ្នាំ២០១៥ ជនរងគ្រោះបានមកស្នាក់នៅរាជធានីភ្នំពេញ ដល់ថ្ងៃទី២១ ខែកុម្ភៈ ឆ្នាំ២០១៥ វេលាម៉ោង ១១និង៣០នាទី ជនរងគ្រោះនិងមិត្តភក្តិម្នាក់ទៀត បានជិះកង់ម្នាក់ ០១គ្រឿង មកដើរលេង នៅឃុំព្រែកតាកូវ ស្រុកខ្សាច់កណ្តាល រហូតដល់ម៉ោង ១៦និង២០នាទី ឈរថតនៅមុខវត្ត ព្រែកបង្កង ស្រាប់តែជនល្មើសទាំង០២នាក់ ជិះម៉ូតូ ១គ្រឿង ម៉ាកវ៉េវអ៊ី ពណ៌ខ្មៅ មកឆក់ទូរស័ព្ទដៃ ជនរងគ្រោះ ហើយរត់គេចខ្លួន ក្រោយមកសមត្ថកិច្ចនគរបាល ចុះស្រាវជ្រាវ ឃាត់ខ្លួនជនល្មើសបាន ០២នាក់ ព្រមទាំងដកហូតទូរស័ព្ទដៃបាន ០១គ្រឿង និងម៉ូតូ ០១គ្រឿង ហើយបញ្ជូនមក អធិការដ្ឋាននគរបាលស្រុក ដើម្បីអនុវត្តន៍តាមនីតិវិធីច្បាប់ ៕
