អូស្ត្រាលី​សោកស្ដាយ ​ចំពោះ​ទោស​ប្រហារជីវិត ​ពលរដ្ឋ​ខ្លួន​នៅ​ឥណ្ឌូនេស៊ី​

​ស៊ីដនីៈ កាលពី​ថ្ងៃ​ពុធ ទី​២៥ ខែកុម្ភៈ រដ្ឋមន្ត្រីការបរទេស​អូស្ត្រាលី លោកស្រី Julie Bishop បាន​និយាយថា លោកស្រី​មានការ​សោកស្ដាយ​ខ្លាំងណាស់ ដោយ​ទទួល​បរាជ័យ​ចំពោះ​បណ្ដឹងតវ៉ា ដើម្បី​ការបន្ធូរបន្ថយ​ទោស​ចំពោះ​ជនជាតិ​អូស្ត្រាលី​ទាំងពីរ​នាក់ ឲ្យ​រួច​ពី​ទោស​ប្រហារជីវិត​ក្នុងប្រទេស​ឥណ្ឌូនេស៊ី ដោយសារតែ​ក្រុម​មេធាវី​បាន​អះអាងថា ពួកគេ​នឹងមិន​ត្រូវបាន​សម្លាប់​មុន​ប្រកាស​សាលក្រម​សាលាឧទ្ធរណ៍​ឡើយ​។ ​បណ្ដឹងឧទ្ធរណ៍​ដើម្បី​សុំ​ការ​លែ​កលែង​ទោស​ពី​ប្រធានាធិបតី ជាពិសេស​ទោស​ប្រហារជីវិត​ដែលជា​ឱកាស​ចុងក្រោយ​ដើម្បី​រួចផុត​ពី​ ការប្រហារជីវិត​ដោយ​បាញ់សម្លាប់ ដែល​ត្រូវ​លោក​ប្រធានាធិបតី​លោក Widodo ធ្វើការ​បដិសេធ​។
​លោកស្រី Bishop បាន​ប្រាប់​ទៅ​បណ្ដាញ​ផ្សព្វផ្សាយ Nine Network ថា យើង​មានការ​សោកស្ដាយ​យ៉ាងខ្លាំង​ចំពោះ​បណ្ដឹងឧទ្ធរណ៍​ដែល​ទទួល​បរាជ័យ​ នៅពេលនេះ ប៉ុន្តែ​ខ្ញុំ​យល់​ចំពោះ​ក្រុម​មេធាវី​កំពុង​ពិចារណា​ខាង​ផ្លូវច្បាប់​ បន្ថែមទៀត ដោយ​ពួកគេ​នៅមាន​ពេល​ប្រហែល​១៤​ថ្ងៃ​ទៀត​ប៉ុណ្ណោះ​៕​