សមត្ថកិច្ចបានឃាត់ខ្លួនស្រ្តីញៀនល្បែងចំនួន០៥នាក់

ខេត្តប៉ៃលិន ៖ បទល្បែងមួយកន្លែងត្រូវបានសមត្ថកិច្ចនគរបាល ព្រហ្មទណ្ឌកំរិតស្រាល សហការជាមួយកំលាំងនគរបាលអន្តររាគមន៍ នៃស្នងការដ្ឋាននគរបាលខេត្តប៉ៃលិន ក្រោមការដឹកនាំ និងបញ្ជារផ្ទាល់របស់លោកឧត្តមសេនីយ៍ត្រី ជា ចាន់ឌិន ស្នងការនគរបាល បានចុះបង្រ្កាប ថ្ងៃទី២៥ ខែកុម្ភៈ ឆ្នាំ២០១៥ វេលាម៉ោង ១៤និង៤០នាទីល្ងាច នៅចំណុចទល់​មុខវត្តបេង ដែលស្ថិតនៅ ភូមិស្ទឹងកាច់ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

ក្នុងសកម្មភាពចុះបង្រ្កាបនោះ សមត្ថកិច្ចបានឃាត់ខ្លួនអ្នកញៀនល្បែងចំនួន០៥ ទី១ ឈ្មោះ សាយ ស្រីនាង ភេទស្រី អាយុ ៣៤ឆ្នាំ ម្ចាស់ផ្ទះ ទី២ ឈ្មោះ ឯម គឹមអៀ ភេទស្រី អាយុ ៣៤ឆ្នាំ ទី៣ ឈ្មោះ ផាន់ ចិន្តា ភេទស្រី អាយុ ៣២ឆ្នាំ ទី៤ ឈ្មោះ ចាន់ រំ ភេទស្រី អាយុ ៥២ឆ្នាំ និងទី៥ ឈ្មោះ រឿន ហន ភេទស្រី អាយុ ២៤ឆ្នាំ។
ជនលេងល្បែងស៊ីសងទាំង ០៥នាក់ ខាងលើមានទីលំនៅ ភូមិកើតហេតុខាងលើ។ បច្ចុប្បន្នមន្រ្តីនគរបាលជំនាញកំពុងអនុវត្តទៅតាមនិតិវិធីច្បាប់៕