តាមការរំពឹងទុកនឹងមានប្រទេសចំនួន ៩ ចូលរួមហើយនេះជាការប្រកួតលើកទី ២ ដែលលើកទី ១ ធ្វើនៅសុវណ្ណខេត្តប្រទេសឡាវ ។ សម្រាប់កម្ពុជាប៉េតង់ជាប្រភេទកីឡាដែលមានសក្ដានុពលបំផុតដែលអត្តព លិករបស់កម្ពុជាធ្លាប់ដណ្ដើមបានមេដាយមាសពិភពលោកឯណោះ ។
ក្នុងសន្និសីទកាសែតនាព្រឹកថ្ងៃទី១២កុម្ភៈលោកមាស សារិនដែលជាអគ្គលេខាធិការសហព័ន្ធកីលាប៉េតង់កម្ពុជាបានប្រកាសឲ្យ ដឹងថាការប្រកួតថ្នាក់តំបន់បែបនេះមានចំនួន ៦ វិញ្ញាសាគឺវិញ្ញាសាវាយយកពិន្ទុបុរស-វិញ្ញាសាវាយយកពិន្ទុនារី- វិញ្ញាសាវាយយកពិន្ទុយុវជន(មិនកំណត់ភេទ)-វិញ្ញាសា៣នាក់ទល់៣ នាក់បុស-វិញ្ញាសាវាយ ៣ នាក់ទល់ ៣ នាក់នារី និង ៣នាក ទល់ ៣ នាក់យុវជន(មិនកំណត់ភេទ) ។
លោកបន្តថាមកទល់ពេលនេះកីឡា ប៉េ តង់ កម្ពុជាដណ្ដើមបានមេដាយសរុបចំនួនជាង ១៦០មេដាយ ហើយដោយគិតទាំងមាស- ប្រាក់ និង សំរិទ្ធ និង គិតទាំងការប្រកួតជើងឯកពិភពលោក ជើងឯកទ្វីបអាស៊ី និង ជើងឯកក្នុងតំបន់ ។
សម្រាប់ប្រទេសដែលចូលរួមមួយវិញ្ញាសាមានសិទ្ធិដាក់តែមួយក្រុម ប៉ុណ្ណោះឲ្យចូលរួមប្រកួត ដោយឡែកសម្រាប់ប្រទេសជាម្ចាស់ផ្ទះមានសិទ្ធិដាក់លេង ២ ក្រុមក្នុង ១ វិញ្ញាសា និង ក្រុមជើងឯកលើកទី ១ អាចដាក់ ២ក្រុមចូលរួមប្រកួតដើម្បីការពារតំណែងរបស់ខ្លួន ។
ការប្រកួត SEA Games ប៉េតង់កម្ពុជាតែងតែដណ្ដើមបានមេដាយមាសជានិច្ច ។ នេះព្រឹត្តិការណ៍នេះគឺជាការប្រកួតកំដៅសាច់ដុំដ៏សំខាន់មួយមុន SEA Games លើកទី២៨នៅសឹង្ហបូរីឈានមកដល់ ។ គេជឿថាប្រទេស សឹង្ហបូរីនឹងមកចូលរួមប្រកួតក្នុងព្រឹត្តិការណ៍ដើម្បីវាស់ស្ទង់ពី សមត្ថភាពរបស់ខ្លួនក្នុងថានៈជាម្ចាស់ផ្ទះ SEA Gamesលើកទី ២៨នេះ ។
គួរបញ្ជាក់ដែរថា កាលប្រកួតជើងឯកអាស៊ីលើកទី ១ នៅសុវណ្ណខេត្តប្រទេសឡាវនោះកម្ពុជាដណ្ដើមបានមេដាយមាស ៣ គ្រឿង មេដាយប្រាក់ ៦ គ្រឿង និង មេដាយសំរិទ្ធ ១ គ្រឿង ។
លោកសុខ ម៉ុងដែលជាគ្រូបង្វឹកបង្ហាញនូវជំនឿចិត្តថាការប្រកួតលើកទី ២ នេះក្នុងថានៈជាម្ចាស់ផ្ទះកម្ពុជានឹងដណ្ដើមបានលទ្ធផលល្អជាមិនខាន ។
លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំបិកកម្ពុជាដែលចូលរួម ក្នុងសន្និសីទកាសែនេះដែរនោះមានប្រសាសន៍ថានេះជាមោទនភាពមួយរបស់ជាតិ និង ជាការបង្ហាញនូវសក្ដានុពលនៃកីឡាប៉េតង់របស់កម្ពុជាក្នុងចំណោមបណ្ដា ប្រទេសអាស៊ាន ៕
