ជនត្រូវចោទ ឈ្មោះ ថាវ ថាវី ត្រូវបានសមត្តកិច្ចនគរបាលការិយាល័យព្រហ្មទណ្ឌកម្រិតធ្ងន់ រាជធានីភ្នំពេញ ធ្វើការចាប់ខ្លួន កាលពីយប់ថ្ងៃទី២០ កុម្ភៈ ដែលការចាប់ខ្លួននោះ លោកវរសេនីយ៍ត្រី តី វិសាល អនុប្រធានការិយាល័យ ហៅថា ជាការអនុវត្តតាមដីការ បញ្ជាឱ្យចូលខ្លួន របស់ចៅក្រមសាលាដំបូង រាជធានីភ្នំពេញ ។
ជាមួយនិងការឃុំខ្លួន ឈ្មោះ ថាវ ថាវី ហៅ ឡុង រ៉ាវី កាលពីព្រឹកថ្ងៃទី២០ កុម្ភៈ គេបានឃើញរថយន្តម៉ាកអូឌី ០១គ្រឿង ជារបស់ឈ្មោះ ថាវ ថាវី ដែលជាវត្ថុតាងដកហូត ពីបទល្មើសជួញដូរគ្រឿងញៀន ហើយត្រូវបានលោក អាំង មាលតី អតីតប្រធានសាលាដំបូង ដកចេញពីដំណែង ឱ្យកូន ជាអធិការរងនគរបាលខណ្ឌ៧មករា យកទៅប្រើប្រាស់ផ្ទាល់ខ្លួននោះ បានឃើញយកទៅទុកនៅសលាដំបូងរាជធានីភ្នំពេញវិញ ។
សូមរំលឹកថា ឈ្មោះ ថាវ ថាវី ត្រូវកម្លាំងនគរបាលមន្ទីរប្រឆាំងគ្រឿងញៀន ចាប់ខ្លួនបាន ដោយអនុវត្ដតាមដីការរបស់ចៅក្រមស៊ើបសួរ នៃសាលាដំបូងរាជធានីភ្នំពេញ កាលពីថ្ងៃទី ២៦ ខែវិច្ឆិកា ឆ្នាំ២០១៤ ៕
