ភ្នំពេញៈ
ប្រធានអង្គភាពប្រឆាំងអំពើពុករលួយ មិនបានចាត់ទុកករណីលោក អាំង មាលតី
ថាជារឿងពុករលួយជាប្រព័ន្ធឡើយ
បើទោះបីជាអតីតប្រធានសាលាដំបូងរាជធានីរូបនេះ
ត្រូវបានឧត្តមក្រុមប្រឹក្សានៃអង្គចៅក្រមសម្រេចដកចេញពីតំណែង
បន្ទាប់ពីមានការដាក់បន្ទុកសង្ស័យទៅលើលោក អាំង មាលតី
និងមន្ត្រីជំនិតម្នាក់ទៀត គឺលោក ពេជ្រ ព្រហ្មមុន្នី
ថាអាចមានជាប់ពាក់ព័ន្ធនៅក្នុងសំណុំរឿងស៊ីសំណូកសូកប៉ាន់ក្នុងការ
ដោះលែងឪពុកម្តាយរបស់ជនជាប់ចោទ ថោង សារ៉ាត់ ឲ្យរស់នៅក្រៅឃុំក៏ដោយ។រហូតមដល់ថ្ងៃនេះ មន្ត្រីអង្គភាពប្រឆាំងអំពើពុករលួយ(ACU)
នៅតែបន្តការស៊ើបអង្កេតរបស់ខ្លួនជុំវិញសំណុំរឿងមួយនេះ ខណៈដែល ACU
កំពុងដាក់បន្ទុកសង្ស័យយ៉ាងខ្លាំងទៅលើរឿងពុករលួយ ចំពោះលោក អាំង មាលតី
និងលោក ពេជ្រ ព្រហ្មមុន្នី
បន្ថែមទៅលើជនសង្ស័យសំខាន់ៗចំនួន៤នាក់ទៀត ដែលមានអ្នកស្រី កែវ សារី
ជាម្តាយលោក ថោង សារ៉ាត់ លោកស្រី ទាវ ធីតា ដែលជាប្រពន្ធទី២
ប្អូនថ្លៃស្រីលោក ថោង សារ៉ាត់ ដែលជាអ្នកកាន់លុយ និងទី៤
គឺលោកមេធាវី រស់ ផល្លា។
ឯកឧត្តម ឱម យិនទៀង ប្រធានអង្គភាពប្រឆាំងអំពើពុករលួយ បានថ្លែងប្រាប់អ្នកសារព័ត៌មានក្រោយពិធីចុះហត្ថលេខាជាមួយនឹងក្រុមហ៊ុន ឯកជនចំនួន៨ នៅកម្ពុជាថា ACU កំពុងតែដំណើរការរឿងក្តីពាក់ព័ន្ធនឹងការដោះលែងឪពុកម្តាយ ថោង សារ៉ាត់ ហើយរឿងក្តីមួយនេះ បានកើតឡើងតាំងពីខែវិច្ឆិកា ដូច្នេះរហូតមកដល់ល្ងាចមិញនេះ ACU បានទទួលចម្លើយពីមនុស្សសំខាន់ៗចំនួន៤នាក់នេះរួចហើយ។ ឯកឧត្តម បានបញ្ជាក់ថា «យើងខ្ញុំ ត្រូវការជួបមនុស្សពីរទៅបីនាក់ទៀត ដើម្បីធ្វើការសាកសួរ ដែលជំហ៊ានបន្ទាប់នោះ គឺលោក ពេជ្រ ព្រហ្មមុន្នី និងលោក អាំង មាលតី ដើម្បីស្តាប់ចម្លើយអ្នកទាំងពីរនាក់»។
ប្រធានអង្គភាពប្រឆាំងអំពើពុករលួយរូបនេះបញ្ជាក់ថា ករណីលោក អាំង មាលតី នៅមិនទាន់អាចធ្វើការសន្និដ្ឋានបែបណានៅឡើយទេ ព្រោះវាលឿនពេកនៅក្នុងពេលនេះ ហើយបើតាមវត្ថុតាងដែលប្រមូលបាន គឺបង្ហាញថា ករណីលោក ពេជ្រ ព្រហ្មមុន្នី វាមិនទាន់ចូលទៅក្នុងបញ្ហាទីសូក ឬចូលវេទិក្រម និងជំនួញឥទ្ធិពលអ្វីនៅឡើយទេ ដូច្នេះឯកឧត្តមគ្រាន់តែហ៊ានបញ្ជាក់ថា «បើនិយាយថា វាជាប្រព័ន្ធវិញ គឺខ្ញុំគិតថា វាខុសច្រើនជាងត្រូវ»។
សូមបញ្ជាក់ថា ក្នុងករណីនេះផងដែរ ACU គ្រោងចុះត្រួតពិនិត្យលើក្រុមហ៊ុន ថោង សារ៉ាត់ នៅល្ងាចថ្ងៃទី២៣ ខែកុម្ភៈនេះ ដើម្បីចាត់វិធានការចែកមើលបញ្ជីស្នាមលុយកាក់ទាំងអស់នៅក្នុង« ក្រុមហ៊ុនមានជ័យ អ៊ិនធើណេសិនណល» របស់លោក ថោង សារ៉ាត់ ដែរ ដើម្បីឲ្យឃើញពីការចំណាយការគ្រប់គ្រងលុយកាក់នៅទីនោះ។
គួររំឭកថា កាលពីដើមសប្តាហ៍មុន សម្តេចនាយករដ្ឋមន្ត្រី ហ៊ុន សែន បានប្រកាសមិនសុខចិត្តទៅនឹងចៅក្រមដែលកាន់សំណុំរឿងក្តីឪពុកម្តាយ ជនជាប់ចោទ ថោង សារ៉ាត់ ហើយបានដោះលែងអ្នកទាំងពីរនោះ កាលពីថ្ងៃទី៦ ខែកុម្ភៈ។ ក្រោយពីមានការរិះគន់យ៉ាងចាស់ដៃពីសំណាក់ប្រមុខរាជរដ្ឋាភិបាលរួចមក ឧត្តមក្រុមប្រឹក្សានៃអង្គចៅក្រម បានបើកកិច្ចប្រជុំបន្ទាន់មួយ កាលពីព្រឹកថ្ងៃទី១៧ ខែកុម្ភៈ ឆ្នាំ២០១៥ ដើម្បីពិភាក្សាលើចំណាត់ការមិនប្រក្រតីក្នុងសំណុំរឿងដោះលែង ឪពុកម្តាយ ថោង សារ៉ាត់ និងករណីឃាតកម្មបាញ់សម្លាប់លោកឧកញ៉ា អ៊ឹង ម៉េងជឺ។
ក្រោយពីកិច្ចប្រជុំដែលបានធ្វើអស់រយៈពេលប៉ុន្មានម៉ោងរួចមក ឧត្តមក្រុមប្រឹក្សានៃអង្គចៅក្រម បានសម្រេចជាឯកច្ឆ័នតែងតាំងលោក តាំង ស៊ុនឡាយ ដែលជាអនុប្រធានសាលាដំបូងរាជធានីភ្នំពេញ ឲ្យមកជាប្រធានសាលាដំបូងរាជធានីភ្នំពេញ ជំនួសលោក អាំង មាលតី៕
ឯកឧត្តម ឱម យិនទៀង ប្រធានអង្គភាពប្រឆាំងអំពើពុករលួយ បានថ្លែងប្រាប់អ្នកសារព័ត៌មានក្រោយពិធីចុះហត្ថលេខាជាមួយនឹងក្រុមហ៊ុន ឯកជនចំនួន៨ នៅកម្ពុជាថា ACU កំពុងតែដំណើរការរឿងក្តីពាក់ព័ន្ធនឹងការដោះលែងឪពុកម្តាយ ថោង សារ៉ាត់ ហើយរឿងក្តីមួយនេះ បានកើតឡើងតាំងពីខែវិច្ឆិកា ដូច្នេះរហូតមកដល់ល្ងាចមិញនេះ ACU បានទទួលចម្លើយពីមនុស្សសំខាន់ៗចំនួន៤នាក់នេះរួចហើយ។ ឯកឧត្តម បានបញ្ជាក់ថា «យើងខ្ញុំ ត្រូវការជួបមនុស្សពីរទៅបីនាក់ទៀត ដើម្បីធ្វើការសាកសួរ ដែលជំហ៊ានបន្ទាប់នោះ គឺលោក ពេជ្រ ព្រហ្មមុន្នី និងលោក អាំង មាលតី ដើម្បីស្តាប់ចម្លើយអ្នកទាំងពីរនាក់»។
ប្រធានអង្គភាពប្រឆាំងអំពើពុករលួយរូបនេះបញ្ជាក់ថា ករណីលោក អាំង មាលតី នៅមិនទាន់អាចធ្វើការសន្និដ្ឋានបែបណានៅឡើយទេ ព្រោះវាលឿនពេកនៅក្នុងពេលនេះ ហើយបើតាមវត្ថុតាងដែលប្រមូលបាន គឺបង្ហាញថា ករណីលោក ពេជ្រ ព្រហ្មមុន្នី វាមិនទាន់ចូលទៅក្នុងបញ្ហាទីសូក ឬចូលវេទិក្រម និងជំនួញឥទ្ធិពលអ្វីនៅឡើយទេ ដូច្នេះឯកឧត្តមគ្រាន់តែហ៊ានបញ្ជាក់ថា «បើនិយាយថា វាជាប្រព័ន្ធវិញ គឺខ្ញុំគិតថា វាខុសច្រើនជាងត្រូវ»។
សូមបញ្ជាក់ថា ក្នុងករណីនេះផងដែរ ACU គ្រោងចុះត្រួតពិនិត្យលើក្រុមហ៊ុន ថោង សារ៉ាត់ នៅល្ងាចថ្ងៃទី២៣ ខែកុម្ភៈនេះ ដើម្បីចាត់វិធានការចែកមើលបញ្ជីស្នាមលុយកាក់ទាំងអស់នៅក្នុង« ក្រុមហ៊ុនមានជ័យ អ៊ិនធើណេសិនណល» របស់លោក ថោង សារ៉ាត់ ដែរ ដើម្បីឲ្យឃើញពីការចំណាយការគ្រប់គ្រងលុយកាក់នៅទីនោះ។
គួររំឭកថា កាលពីដើមសប្តាហ៍មុន សម្តេចនាយករដ្ឋមន្ត្រី ហ៊ុន សែន បានប្រកាសមិនសុខចិត្តទៅនឹងចៅក្រមដែលកាន់សំណុំរឿងក្តីឪពុកម្តាយ ជនជាប់ចោទ ថោង សារ៉ាត់ ហើយបានដោះលែងអ្នកទាំងពីរនោះ កាលពីថ្ងៃទី៦ ខែកុម្ភៈ។ ក្រោយពីមានការរិះគន់យ៉ាងចាស់ដៃពីសំណាក់ប្រមុខរាជរដ្ឋាភិបាលរួចមក ឧត្តមក្រុមប្រឹក្សានៃអង្គចៅក្រម បានបើកកិច្ចប្រជុំបន្ទាន់មួយ កាលពីព្រឹកថ្ងៃទី១៧ ខែកុម្ភៈ ឆ្នាំ២០១៥ ដើម្បីពិភាក្សាលើចំណាត់ការមិនប្រក្រតីក្នុងសំណុំរឿងដោះលែង ឪពុកម្តាយ ថោង សារ៉ាត់ និងករណីឃាតកម្មបាញ់សម្លាប់លោកឧកញ៉ា អ៊ឹង ម៉េងជឺ។
ក្រោយពីកិច្ចប្រជុំដែលបានធ្វើអស់រយៈពេលប៉ុន្មានម៉ោងរួចមក ឧត្តមក្រុមប្រឹក្សានៃអង្គចៅក្រម បានសម្រេចជាឯកច្ឆ័នតែងតាំងលោក តាំង ស៊ុនឡាយ ដែលជាអនុប្រធានសាលាដំបូងរាជធានីភ្នំពេញ ឲ្យមកជាប្រធានសាលាដំបូងរាជធានីភ្នំពេញ ជំនួសលោក អាំង មាលតី៕
