ខេត្តស្ទឹងត្រែងៈ ជនជាតិឡាវម្នាក់ ក្នុងចំណោម៥នាក់
ត្រូវបានសមត្ថកិច្ចកងរាជអាវុធហត្ថខេត្តស្ទឹងត្រែង ឃាត់ខ្លួនពាក់ព័ន្ធនឹងករណីជួញដូរគ្រឿងញៀនដ៏ធំមួយរហូតមានការ
ផ្ទុះអាវុធដាក់គ្នា។ ប្រតិបត្តិការធ្វើឡើងនារសៀលថ្ងៃទី២៤ ខែកុម្ភៈ ឆ្នាំ២០១៥
ជាប់ព្រំប្រទល់ខេត្តព្រះវិហារ ក្នុងភូមិសាស្ត្រចំណុចក្បាលដំរី
ស្រុកជាំក្សាន្ត។
ជនសង្ស័យដែលសមត្ថកិច្ចកងរាជអាវុធហត្ថឃាត់ខ្លួនមានឈ្មោះ
ថៃ ស៊ី សាំងវ៉ន ភេទប្រុស អាយុ៥៤ឆ្នាំ ជនជាតិឡាវ មានមុខរបរធ្វើស្រែ រស់នៅខេត្តចម្ប៉ាសាក់
ប្រទេសឡាវ ជននេះជាអ្នកកាន់គ្រឿងញៀន។ ក្នុងប្រតិបត្តិការនេះ សមត្ថកិច្ចបានដកហូតគ្រឿងញៀនបានចំនួន២កញ្ចប់ធំ
ប្រភេទមេតំហ្វេតាមីន ម្សៅពណ៌ស(ICE)
ហៅថា ទឹកកក មានទម្ងន់សរុប១.៦៧៨,២ក្រាម។
ក្នុងកញ្ចប់ទី១.មានទម្ងន់៨៧៦,៩ក្រាម។ កញ្ចប់ទី២.មានទម្ងន់៨០១,៣ក្រាម។
ប្រតិបត្តិការបង្ក្រាបគ្រឿងញៀនរបស់កងរាជអាវុធហត្ថខេត្តស្ទឹងត្រែង
បានបង្កឲ្យមានការផ្ទុះអាវុធជាមួយក្រុមឧក្រិដ្ឋជនដែលមានគ្នា យ៉ាងតិចចំនួន៥នាក់
ក៏ប៉ុន្តែពុំបណ្ដាលឲ្យមានអ្នកបាត់អាយុជីវិតនោះទេ ហើយក្រុមឧក្រិដ្ឋជនបានគេចខ្លួនបាត់។
យ៉ាងណាក៏ដោយ សមត្ថកិច្ចកំពុងសាកសួជនសង្ស័យម្នាក់
ដែលបានខ្លួនឃាត់ ដើម្បីឈានដល់ការស្រាវជ្រាវរកមេក្លោងជួញដូគ្រឿងញៀនចាត់ការតាម
នីតិវិធីផងដែរ៕
