រាជធានីភ្នំពេញ៖ នាយកដ្ឋានគ្រប់គ្រងអាវុធជាតិផ្ទុះ និងអគ្គិភ័យរបស់ក្រសួងមហាផ្ទៃ
បានដាក់ត្រៀមកម្លាំង និងរថយន្តពន្លត់អគ្គិភ័យនៅតាមបណ្តាខណ្ឌទាំង១២
ក្នុងរាជធានីភ្នំពេញ
ដើម្បីបង្ការទប់ស្កាត់គ្រោះអគ្គិភ័យនៅថ្ងៃបុណ្យចូលឆ្នាំចិន-
វៀតណាម ដែលនឹងប្រព្រឹត្តទៅរយៈពេល៣ថ្ងៃ គិតចាប់ពីថ្ងៃទី១៨ ដល់២០
ខែកុម្ភៈ ឆ្នាំ២០១៥ខាងមុខនេះ។
ឯកឧត្តម ធន សាម៉ន ប្រធាននាយកដ្ឋានគ្រប់គ្រងអាវុធជាតិផ្ទុះ និងអគ្គិភ័យ នៃក្រសួងមហាផ្ទៃ បានថ្លែងប្រាប់កាលពីថ្ងៃទី១៦ ខែកុម្ភៈ បានឲ្យថា ក្រៅពីដាក់រថយន្តពន្លត់អគ្គិភ័នៅតាមខណ្ឌរាជធានី នាយកដ្ឋានក៏បានបញ្ជាឲ្យមន្ត្រីក្រោយឱវាទ ត្រូវត្រួតពិនិត្យសម្ភារៈអន្តរាគមន៍ឲ្យបានត្រឹមត្រូវតាមបច្ចេកទេស ទាំងនៅតាមបណ្តាខេត្តទាំងអស់ផងដែរ ដើម្បីត្រៀមលក្ខណៈទប់ស្កាត់ចំពោះគ្រោះអាសន្ន ដែលអាចនឹងកើតឡើងជាយកថាហេតុ។ សូមបញ្ជាក់ថា ក្នុងឆ្នាំ២០១៤កន្លងទៅនេះ គ្រោះអគ្គិភ័យបានកើតឡើងសរុបទាំងអស់ចំនួន៥១៤លើក បើធៀបជាមួយឆ្នាំ២០១៣ មានការថយចុះ២១លើក ក្នុងនោះបណ្ដាលឲ្យស្លាប់មនុស្ស១៩នាក់ របួស៥១នាក់ ខូចខាត់ផ្ទះសម្បែងអស់ចំនួន៥៧២ខ្នង ក្នុងនោះក៏មានករណីឆេះផ្សារចំនួន៤លើកផងដែរ។
ឆ្លើយតបទៅនឹងវិធានការខាងលើនេះ ឯកឧត្តម ធន សាម៉ន ក៏បានអំពាវដល់ប្រជាពលរដ្ឋរស់នៅក្នុងរាជធានីភ្នំពេញ ត្រូវមានស្មារតីប្រុងប្រយ័ត្ន និងយល់ដឹងអំពីរបៀបបង្ការអគ្គិភ័យ ដោយត្រូវមានសម្ភារៈការពារអគ្គិភ័យក្នុងមូលដ្ឋាន ក៏ដូចជាចេះប្រើប្រាស់សម្ភារៈទាំងនោះដើម្បីពន្លត់អគ្គិភ័យ។ ជាពិសេស គឺត្រូវរាយការណ៍ដល់ការិយាល័យពន្លត់អគ្គិភ័យឲ្យបានទាន់ពេលវេលា នៅពេលមានគ្រោះអគ្គិភ័យកើតឡើង៕
ឯកឧត្តម ធន សាម៉ន ប្រធាននាយកដ្ឋានគ្រប់គ្រងអាវុធជាតិផ្ទុះ និងអគ្គិភ័យ នៃក្រសួងមហាផ្ទៃ បានថ្លែងប្រាប់កាលពីថ្ងៃទី១៦ ខែកុម្ភៈ បានឲ្យថា ក្រៅពីដាក់រថយន្តពន្លត់អគ្គិភ័នៅតាមខណ្ឌរាជធានី នាយកដ្ឋានក៏បានបញ្ជាឲ្យមន្ត្រីក្រោយឱវាទ ត្រូវត្រួតពិនិត្យសម្ភារៈអន្តរាគមន៍ឲ្យបានត្រឹមត្រូវតាមបច្ចេកទេស ទាំងនៅតាមបណ្តាខេត្តទាំងអស់ផងដែរ ដើម្បីត្រៀមលក្ខណៈទប់ស្កាត់ចំពោះគ្រោះអាសន្ន ដែលអាចនឹងកើតឡើងជាយកថាហេតុ។ សូមបញ្ជាក់ថា ក្នុងឆ្នាំ២០១៤កន្លងទៅនេះ គ្រោះអគ្គិភ័យបានកើតឡើងសរុបទាំងអស់ចំនួន៥១៤លើក បើធៀបជាមួយឆ្នាំ២០១៣ មានការថយចុះ២១លើក ក្នុងនោះបណ្ដាលឲ្យស្លាប់មនុស្ស១៩នាក់ របួស៥១នាក់ ខូចខាត់ផ្ទះសម្បែងអស់ចំនួន៥៧២ខ្នង ក្នុងនោះក៏មានករណីឆេះផ្សារចំនួន៤លើកផងដែរ។
ឆ្លើយតបទៅនឹងវិធានការខាងលើនេះ ឯកឧត្តម ធន សាម៉ន ក៏បានអំពាវដល់ប្រជាពលរដ្ឋរស់នៅក្នុងរាជធានីភ្នំពេញ ត្រូវមានស្មារតីប្រុងប្រយ័ត្ន និងយល់ដឹងអំពីរបៀបបង្ការអគ្គិភ័យ ដោយត្រូវមានសម្ភារៈការពារអគ្គិភ័យក្នុងមូលដ្ឋាន ក៏ដូចជាចេះប្រើប្រាស់សម្ភារៈទាំងនោះដើម្បីពន្លត់អគ្គិភ័យ។ ជាពិសេស គឺត្រូវរាយការណ៍ដល់ការិយាល័យពន្លត់អគ្គិភ័យឲ្យបានទាន់ពេលវេលា នៅពេលមានគ្រោះអគ្គិភ័យកើតឡើង៕
