ក្នុងគ្រោះថ្នាក់ចរាចរណ៍ទាំង ១៥លើកនេះ បានបង្កឲ្យខូចខាតយានយន្តសរុប ២៦គ្រឿង ក្នុងនោះមានម៉ូតូចំនួន ១២គ្រឿង, រថយន្តធុនតូចចំនួន ០៩គ្រឿង, រថយន្តធុនធំចំនួន ០៣គ្រឿង, យានផ្សេងៗចំនួន ០២គ្រឿង និងអ្នកថ្មើរជើង ម្នាក់ ។មូលហេតុ ដែលបណ្តាលឲ្យមានគ្រោះថ្នាក់ គឺមកពីកត្តាល្បឿន ០៤លើក, ស្រវឹង ០២លើក, មិនគោរពសិទ្ធ ០៣លើក, មិនប្រកាន់ស្តាំ ០១លើក, ប្រជែងគ្រោះថ្នាក់ ០២លើក, បត់គ្រោះថ្នាក់ ០១លើក, កត្តាយានយន្ត ០១លើក និងមនុស្សដើរឆ្លងផ្លូវ ០១លើក ក្នុងនោះអ្នកជិះម៉ូតូគ្រោះថ្នាក់ ដោយមិនបានពាក់មួកសុវត្ថិភាពចំនួន ១៥នាក់ (យប់ ០៨នាក់) ។
រថយន្តពិន័យសរុបចំនួន ៨៤៧គ្រឿង (រថយន្តធុនធំ ៧៣គ្រឿង) ស្មើនិង ៨៥៣ករណី, ករណីល្មើសក្រដាសស្នាម ៥៣៨គ្រឿង ស្មើនិង ៥៤៤ករណីៈ រួមមានបណ្ណបើកបរហួសសុពលភាព ០៦ករណី, គ្មានបណ្ណអាជីវកម្ម ០៦ករណី, គ្មានឈៀក ៤៨ករណី, បើកបរលើ្មសល្បឿនកំណត់ ១១៩ករណី, បើកបរមិនពាក់ខ្សែក្រវ៉ាត់ ៣៦៥ករណី, ករណីល្មើសបច្ចេកទេសមាន ៣០៩គ្រឿង ស្មើនិង ៣០៩ករណី រួមមាន ដឹកសំពីងសំពោង ២៨០ករណី, ដឹកលើសចំណុះ ២៩ករណី ។
ដោយឡែកម៉ូតូត្រូវបានពិន័យសរុបចំនួន ២,៨០៥គ្រឿង ក្នុងនោះមាន ជិះម៉ូតូអត់ពាក់មួក ១,៨៥២ករណី, ជិះម៉ូតូអត់ដាក់កញ្ចក់ ៨៤៨ករណី, ជិះម៉ូតូអត់កញ្ចក់និងមួក ១៨ករណី, សញ្ញាចរាចរណ៍ ៤០ករណី, ផ្លាកលេខ ខូច ឬបាក់ ០១ករណី និងម៉ូតូបើកភ្លើងពេលថ្ងៃ ៤៦ករណី ៕
