លោកវរសេនីយ៍ត្រី ឯម រុន អធិការ នៃអធិការដ្ឋាននគរបាលស្រុកក្រគរ បានប្រាប់ឲ្យដឹងថា តាមរៀបរាប់ឲ្យដឹងពីក្មេងស្រីជនរងគ្រោះ បានឲ្យដឹងថា ឪពុកបង្កើតរបស់នាង បានស្លាប់ ម្តាយនាងឈ្មោះ តែ ក្រីច អាយុ៣៥ឆ្នាំ គាត់បានយកប្តីមួយទៀតឈ្មោះ រស់ នឿន អាយុ៣៨ឆ្នាំ មុនពេលកើតហេតុ ឪពុកចុងរបស់នាង បានបបួលនាងទៅរកក្តាម នៅថ្ងៃទី៣០ ខែតុលា ពេលនោះឪពុកចុងនាងបានចាប់រំលោភនាង នៅកណ្តាលវាលស្រែបានសម្រេចម្តង ត្រឡប់មកផ្ទះវិញ និយាយប្រាប់ម្តាយនាង គាត់និយាយថា កុំឲ្យគេដឹងពីរឿងនេះ ។ នៅថ្ងៃទី៣១ ខែតុលា ឪពុកចុងនាងបបួលក្មេងស្រីរងគ្រោះ ទៅដកម្អម ខណៈនោះគាត់ចាប់រំលោភបានសម្រេចម្តងទៀត នៅក្នុងព្រៃ ពេលត្រឡប់មកផ្ទះវិញ និយាយប្រាប់ម្តាយនាងទៀត ម្តាយនាងនិយាយថា រឿងនេះមិនចាំបាច់ប្តឹងសមត្ថកិច្ចទេ ។ លុះដល់ថ្ងៃទី១ ខែវិច្ឆិកា ឆ្នាំ២០១៥ ឪពុកចុងបានបបួលនាងទៅរកថ្នាំបូរាណ ម្តងទៀត ខណៈនោះឪពុកចុងនោះចាប់រំលោភនាង បានសម្រេចម្តងទៀត នៅចំណុចក្នុងព្រៃ ការរំលោភទាំងបីលើក ស្ថិតក្នុងភូមិ ឃុំខាងលើ ។
ក្មេងស្រីរងគ្រោះបានបន្តថា ជនសង្ស័យ រស់ នឿន រំលោភរួច មកផ្ទះវិញធ្វើតែមិនដឹង តែជនរងគ្រោះ មានការឈឺចាប់គិតថា ម្តងនេះឈប់និយាយប្រាប់ម្តាយនាងទៀតហើយ សុខចិត្តទៅប្រាប់ឈ្មោះ សុខ នី ភេទស្រី អាយុ៣៨ឆ្នាំ ត្រូវជាម្តាយមីងនាង រស់នៅភូមិឈើទាលខ្ពស់ ឃុំក្បាលត្រាច ស្រុកក្រគរ ខេត្តពោធិ៍សាត់ ពីរឿងហេតុដែលឪពុកចុងនាង បានប្រព្រឹត្តមកលើរូបនាង ។ ឈ្មោះ សុខ នី ឮក្មួយរបស់ខ្លួន រាយរាប់ប្រាប់តាមដំណើររឿងអាស្រូវនេះ ក៏នាំក្មេងស្រីរងគ្រោះទៅប្តឹងសមត្ថកិច្ច ។
លោកវរសេនីយ៍ត្រី ឯម រុន បានបន្តថា ក្រោយពេលទទួលបានពាក្យបណ្តឹង សមត្ថកិច្ចចុះទៅដល់កន្លែងកើតហេតុ ធ្វើការស្រាវជ្រាវតាមដំណើររឿង ជនសង្ស័យឈ្មោះ រស់ នឿន ដែលបានប្រព្រឹត្តមកលើកូនចុងរបស់ខ្លួន និងប្រពន្ធឈ្មោះ តែ ក្រីច ត្រូវជាម្តាយជនរងគ្រោះ បាននាំគ្នារត់គេចចេញពីមូលដ្ឋានបាត់ស្រមោល ចំពោះករណីរឿងនេះ សមត្ថកិច្ចកំពុងតាមប្រម៉ាញចាប់ខ្លួន ជនសង្ស័យយកមកចាត់ការតាមផ្លូវច្បាប់ រកយុត្តិធម៌ ជូនជនរងគ្រោះ ៕
