ប្រភពព័ត៌មាននៅកន្លែងកើតហេតុ បានឲ្យដឹងថា ជនរងគ្រោះមានឈ្មោះ ភា ភេទប្រុស អាយុ២៦ឆ្នាំ មានស្រុកកំណើតនៅភូមិកោះដាច់ ខេត្តកណ្តាល បានមកស្នាក់នៅភូមិឆាយលូក ឃុំអូរសោម ស្រុកវាលវែង ប្រកបមុខរបរបើកត្រាក់ទ័រភ្ជួរចំការ ។
នៅមុនពេលកើត ខណៈដែលជនរងគ្រោះបានបញ្ឆេះត្រាក់ទ័រ បម្រុងទៅភ្ជួរដី លុះត្រាក់ទ័រដំណើរការ ជនរងគ្រោះមិនបានឡើងពីមុខដើម្បីបញ្ជាត្រាក់ទ័រនោះឡើយ បែរជាឡើងពីក្រោយលូកដៃទៅកាច់ ប្រដាប់បញ្ជានង្គ័លត្រាក់ទ័រ ស្រាប់តែគៀបជាប់ក្បាលនឹងធុងប្រេង ស្លាប់តែម្តង ។
សមត្ថកិច្ចបានបញ្ជាក់ថា ក្រោយពេលកើតហេតុបានធ្វើកំណត់ហេតុ ប្រគល់សាកសពជនរងគ្រោះជូនក្រុមគ្រួសារធ្វើបុណ្យតាមប្រពៃណី ៕
