សូមបញ្ជាក់ថា នៅចំណុចភូមិឃុំខាងលើកាលពីថ្ងៃចុងសប្តាហ៍កន្លងទៅថ្មីៗនេះ កូនប្រុសអកត្តញូម្នាក់បានធ្វើសកម្មភាពយកដំបងឈើជ្រុងវាយសម្លាប់ឳពុកខ្លួនឯង ហើយថែមទាំងយកកាំបិតកាត់ដៃ និងជើងរបស់ជនរងគ្រោះបន្ទាប់ពីជនរងគ្រោះជាឳពុកបានស្តីឲ្យជនល្មើសជាកូនថាអាឆ្កួត ។
លោកវរសេនីយ៍ត្រី ឆេងអ៊ី សុខា អធិការនគរបាលស្រុកអូរជ្រៅប្រាប់ឲ្យដឹងថា មុនពេលកើតហេតុបុរសរងគ្រោះបានវាយរនាបប្ញស្សីដើម្បីធ្វើជញ្ជាំងបិទបាំងកន្លែងកូនជាល្មើស ឲ្យដេក ។ នៅពេលនោះស្រាប់តែជនរងគ្រោះបានដើរទៅក្បែរជនរងគ្រោះកំពុងដេកក្រោមផ្ទះ ហើយឃើញកូនកំពុងដេកឳពុកក៏ស្តីបណ្តូសកូនរូបនោះថាអាឆ្កួតខ្ជិលណាស់ ។ ក្រោយពីស្តីឲ្យកូនរួចហើយ ជនរងគ្រោះ ក៏មកវាយរនាបប្ញស្សីធ្វើជញ្ជាំងបន្ត បន្ទាប់មកដោយជនល្មើសជាកូនបានខឹងឳពុកស្តីបណ្តូសក៏ដើរមកពីក្រោយស្ងាត់ៗយកឈើជ្រុងវាយឳពុកត្រូវចំក្បាលពីក្រោយបណ្តាលឲ្យស្លាប់មួយរំពេច ។ នៅពេលនោះកូនប្រុសរូបនោះក៏បានយកកាំបិតនិងពូថៅ កាត់ដៃកាត់ជើងទាំង២របស់ជនរងគ្រោះថែមទៀតផង ។ ក្រោយពីមានហេតុការណ៍បែបនោះភ្លាមជនល្មើសបានរត់គេចខ្លួន ហើយក៏ត្រូវបានកម្លាំងនគរបាលប៉ុស្ថិ៍ឃុំចង្ហា និងប្រជាពលរដ្ឋ នាំគ្នាដេញចាប់ឃាត់ខ្លួន បញ្ជូនមកកាន់ងធិការដ្ឋាននគរបាលស្រុកដើម្បីយកមកចាត់ការតាម នីតិវិធីច្បាប់ ។
លោកអធិការនគរបាលស្រុកអូរជ្រៅ ប្រាប់ឲ្យដឹងទៀតថា ជនល្មើសហាក់បីដូចជាមនុស្សបាត់បង់សតិ ក៏ប៉ុន្តែជនល្មើសគ្មានលិខិតបញ្ជាក់ពីគ្រូពេទ្យថាជាមនុស្សឆ្កួតនោះឡើយ ។
ក្រុមគ្រួសារសព កាលពីព្រឹកថ្ងៃទី១៦ ខែវិច្ឆិកា ឆ្នាំ២០១៦ ក៏ត្រូវបានលោកឧត្តមសេនីយ៍ អាត់ ខែម ស្នងការនគរបាលខេត្តបានចុះទៅសាកសួរសុខទុក្ខ និង នាំយកអំណោយមួយចំនួនធំប្រគល់ជូនដល់ក្រុមគ្រួសារសពនោះ ផងដែរ ៕
